مطعم كبابشيني هو مطعم هندي متميز ، يقدم أفضل الأطباق الهندية التي تتيح لك تجربة متميزة حيث ان الأطباق تتميز ببهارتها المتميزة لا يفوتك.
احد الإضافات المهمة في المطاعم الهندية في الخبر واللي صار له فترة قريبة فاتح ، كانت لي زيارة في نهاية رمضان ولكن توني افضى اكتب التقرير عن زيارتي لهم ، بشكل عام الأطباق مستواها من متوسط الى لذيذ ، الخدمة كانت بطيئة مع ان المطعم ما كان مزحوم كثير .
.
البداية مع خدمة الطاولة
الخبز المقرمش اللي اغلب المطاعم الهندية يقدمونه وكان مقرمش وخفيف وطعمه لذيذ يقدمونه مع ثلاث انواع من التغميسات كلها زبادي وكل واحد بنكهة مختلفة ، افضل واحد فيهم البرتقالي لذيييييييييذ ، الكمية ممتازة على خدمة الطاولة .
.
قدموا معها التمر والماء بخصوص اننا في رمضان ولكن ما أكلت من التمر
.
اعتذر عن ذكر الاسعار لبعض الاطباق لأني ما اذكرها ولكن بشكل عام كانت الاسعار ممتازة .
.
الطلبات
شوربة الدجاج بالذرة
الشوربة كانت لذيذة كطعم ولكن كان فيها زفورة خفيفة من الدجاج ، احتجت اكثر فيها الليمون علشان تروح الزفورة .
سبرينغ رول خضار .. اعتقد كان ب20 ريال
10 قطع من السبرينغ رول الصغيرة محشية بالخضار وتقدم مع تغميسة السويت تشيلي ، عجبني الطبق من اكثر من ناحية التغميسة لذيذة وحجم القطع ممتاز جدا وطعمها ممتاز وماهي شاربه زيت وسعره مناسب جدا مقارنة بالكمية
.
.
التقرير الاول :
رائع ولذيذ وخدمة ممتازة وسريعة جربت عندهم بوفيه والكل يمدح الاطباق والتنوع 👍🏻
التقرير الثاني :
مستوى جيد جدا الى ممتاز بالخدمة ومستوى الطاعم لكن للاسف ينقصه الخصوصية للعائلات .. ولا اعتقد ان المطعم ينقصه شراء سواتر متحركه او متنقله .. لكن سياسة المالك ونحترمها ويبقى مجرد تعليق للفائده ..
التقرير الثالث :
انا من عشاق المطاعم الهندية وللامانة المطعم جميل ولكن بعض الأطباق التي تعرف بالمطعم الهندي ليست بتلك الجودة وهي المسالا بأنواعها دجاج بالزبده و دجاج تكا مسالا لم يعجبني الطعم ابدا. بالنسبه للربيان و الكباب بأنواعه جميل رز البرياني مع الربيان عادي و برياني الدجاج عادي السعر يعتبر غالي للأمانة لن اعاود التجربة
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
