مطعم باوند اوف براون هو مطعم جديد متخصص بالسطل البحري ، مطعم شبابي اغلب الطاقم سعودي وخدمتهم خمس نجوم ، وفوق هذا كله الاكل على كيف كيفكم .
طبعاً زي كل المطاعم اللي بنفس طريقته ، تختارون نوع البحريات اللي تبونها وعندهم ربيان ، قباقب ، لوبستر ومحار ، وبعدها تختارون نوع الصوص وعندهم صلصة بوب الخاصة بالمطعم وصلصة الثوم بالزبدة وصلصة الكيجن وصلصة بوب البيضاء وتختارون مستوى الحرارة اللي تفضلونها وعليكم بألف عافية .
جربنا عنده اكثر من نوع بحريات ، وبأنواع صوصات مختلفة ، كل نوع يقول الزود عندي.
حجم الربيان كبير ونظيف والقشرة تنفك بسهولة ، وطعم الصوص سبايسي لذيذ خصوصاً لو اكلتوه مع الرز ، مرة لذيذ الصوص مع الربيان والطلب يجي معه حبه ذره .
انا ما احب المحار وما جربت هذا الطبق بس ما شاء الله اللي معي خلصه كله لحاله 🌚😅
كميتها مرة راهية ، حجم القباقب مو مرة كبير ، بس الطعم مررررة بطل وعجبني الكيجن اكثر شي .
ومن المقبلات جربنا.
مقلية وعليها المايونيز الياباني وكاڤيار ، طعمها ممتاز .
قطع ربيان وبطاطس مقلية عليها انواع صوصات واجبان ، تشبه فكرة الديناميت شريمب ولكن بطريقة مبتكرة اكثر ، مررة عجبتني الخلطة وجابت مزاجي 😍
من اسمه ، ربيان مقلي وعليه طبقة الدوريتوس ، الحجم كبير مررة ، والطعم حلو .
بشكل عام المطعم ممتاز واطباقه اغلبها ممتازة ، الكميات راهية والاحجام كبيرة ، انصح بالمطعم لمحبين السطول البحرية .
يفتحون يومياً من الساعة ١٢ الظهر الى ١٢ بالليل
يستقبلون العوايل والافراد .
الرأي الأول : شرايكم في غدا الخفايف🦞🦀🦐🔥
.
باوند اوف براونز في كورنيش الخبر بعد فندق الموفنبيك مكان جميل يقدم لكم السطول البحريه و المقبلات و أطباق جانبيه 👍🏼😍🔥 حبيت الأكل والخدمة و التجربه كعموم 👌🏼
.
جربوا أطباقهم بصلصة البوب و صلصة الكيجن و الشوربة البحريه و التاكو شريبم و عندهم تنوع جميل بالمنيو .
.
يستقبلوا الأفراد والعائلات من بعد الظهر الى ١٢ ليلاً .الرأي الثاني : الموقع ممتاز الخدمة سريعة .. جربت منهم سطل الروبيان اخذنا حجم ٢ باوند كمية كافية وحجم الروبيان جداً ممتاز بنكهتهم السيقنتشر ( بوب ) ومن المقبلات روبيان مقلي مميز وبطاطس مبهر ببهارات الكيجن .. موفقين ⚘
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
