مطعم ميلنزاني هو مطعم متخصص في الطعم الايطالي الجديد يضاف لقائمة المطاعم الخبر، ديكوراته جميلة واكله مميز ويختلف عن المطاعم الايطالية اللي متعودين عليها لانه يقدم الاطباق بشكل مبتكر (فيوجن) .
.
طبعا اول ما تجلسون يقدمون لكم سلة من المخبوزات مع تغميسة من الصن داي توميتو (الطماط المجفف) تعتبر تصبيرة لذيذة وخصوصا ان نوعية الخبز شغلهم وشي مميز .
.
طبق (ريكو مورسو) قيمته ٤٩ ريال
وهو عبارة عن قطع ستيك مع صوص لذيييييذ وفوقه جبل من البطاطس الحلوة المقرمشة ، الطبق مررررررة متجانس ولذيذ وانصحكم فيه .
.
.
من طلباتنا كان ساندوتش اسمه ميمي وسعره ٤٨ ريال
عبارة عن قطعتين ساندوتش دجاج مقلي مع نوعين من الصوص والجرجير ، كل شي في الساندوتش لذيذ والمكونات طازجة جدا ومقرمشة ما عدا نوع من انواع الصوص كان مخرب شوي طعم الساندوتش اعتقد انه كان صوص البلسميك لو كان نوع ثاني كان افضل .
.
.
والطبق الثاني كان ميلنزاني باستا بسعر ٣٩ ريال
بيني باستا بصوص احمر ومعها قطع باذنجان ومغطاه بطبقة من الجبن ، الباستا بسيطة ولذيذة
وكانت اضافة جميلة على الطاولة وقطع الباذنجان مرة مستوية بطريقة مميزة ، هذي الباستا تعطيني انطباع
ان الباستات عندهم مميزة
.
.
التقرير الاول :
من اجمل مطاعم الخبر والذها. كل اطباقهم لذييييييذه. مطعم يستحق الزياره. واذا كان عندك ضيوف ما يحبون الذبايح واللحم انصحك بانك تعزمهم فيه. تابعوا الصور لاخر طلب طلبته. كل شهر ازوره مره.
التقرير الثاني :
المطعم فخم فخم فخم .. وراقي جداً .. كانت عندي مناسبة احتفال وللأمانة ماقصروا بيضوا الوجه .. أطباق وكميات وجودة الاكل وترتيب وجلسات مريحه .. وخدمة سريعة .. ويساعدون في اختيار الأطباق ويخدمون الزبائن ببشاشه ونفس طيبه .. وبصراحه الكثر شي عجبني من العاملين Rakesh كان مررة مهتم بأدق التفاصيل بالمناسبة عندي وكان حريص جداً .. المطعم له فروع بالرياض والبحرين .. وفي كذا مكان اخر .. والأطباق أكثرها من المطبخ الإيطالي .. سوف أكرر الزيارة له بإذن الله.
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
