مطعم ستيك هاوس غني عن التعريف من افضل المطاعم في الخبر اللي تقدم الستيك بس اليوم انا كنت جاي مشتهي السلطة حقتهم علشان كذا ما أخذت ستيك .
اخترنا ساندوتش الدجاج الساوثرن وهو عبارة عن صدر دجاج مقلي بالبقصماط ، المميز في الساندوتش ان قطعة الدجاج سميكة ومشبعه وبنفس الوقت طرية من داخل ومقرمشة من برا وما فيها اي زفوره ، الساندوتش مشبع جدا ويجي معه طبق جانبي من اختياركم .
.
.لطلب الثاني كان فيلي ستيك ساندوتش
نوع اللحم اللي مستخدمينه عجيييييييب ترف ترف ترف ويذوب في الفم ما كأنه قطع ستيك والخلطة والجبن معه كلام كبير والخبزة شي طرررررررري كأنها قطن لذذذذيييذذذة ، كان عندي ملاحظة وحدة على الساندوتش وهي انهم اعتقد نسوا يحطون ملحاو صويا صوص فكانت تحتاج ملوحة ولكن بإضافة الباربكيو صوص والستيك صوص انحلت المشكلة ، الساندوتش يجي معه طبق جانبي من اختياركم .
.
الساندوتش ب 48 ريال
.
.
تقدرون تضيفون السلطة والشوربة بقيمة 25 ريال على اي طبق تطلبونه .
.
.المطعم من افضل مطاعم ستيك في الخبر
التقرير الاول :
كان فخم و رائع وراقي. الاضائة ممتازة والجو رومنسي اما بالنسبة للطعام فلايمكن وصفه او اعطائه حقه، فهو ارقى من الرقى واحسن من الحسن. انصح بالذهاب اليه وتمتع بالاكل. الاستقبال كان جدا ممتاز و الابتسامة على وجوه كل العاملين بالمطعم. يستحق الخمس نجوم واكثر. الاسعار معقولة ومقبولة من احسن المطاعم المتخصصة في اللحم، و يعطون كمان بوفيه مفتوح للسلطة و الشوربة. للفخامة عنوان، هذا ما يمكن قوله.
التقرير الثاني :
مطعم الستيك الاول .. خدمه وواكل جميل التي بون شي من الاخر و الباربكيو ستيك تندرليون .. والمنيو متعدد وخيارات كثيره ..
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
