مطعم منت هو مطعم وكافيه جديد يقدم أطباق متنوعة أغلبها من المطبخ الإيطالي فيوجن، أجواء المطعم مرة رايقة والخدمة مميزة والأكل روعة ، عندهم جلسات قهوة خارجية صغيرة .
.
.
كانت لي تجربه عندهم لوجبة الغداء وكانت مميزة بكل تفاصيلها .
.
.
شوربة البروكلي
شوربة كريمية مليانة بروكلي تحسون انكم تاكلون البروكلي من كثر ماهي فريش .
.
.
شوربة الطماط
روووووعة عشقتها نكهتها مميزة حموضتها موزونه وكريمتها مضبوطة ، الوصف الصحيح لها ناطعة .
.
.
سلطة الافوكادو والشمندر
مع اني ماني من عشاق الشمندر ولا الافوكادو ولكن السلطة طريقتها وطعمها مميزين ، طريقة تقطيع المكونات ونكهتها مرة مميزة .
.
.
لامب كريكيتس
لحم ببقسماط الفحم القابل للاكل يقدم مع طبقة من سلطة الملفوف ، الطبق فكرته ممتازة وطعمه لذيذ .
.
.
سمك فيليه
طبق اتعب وانا اقول لذيذ ، كل شي فيه مميز السمك زبدة تذوب في الفم والرز روعة ، اكثر طبق عجبني في الاطباق الرئيسية .
.
.
ستيك لحم
قطعه ستيك لحم كبيرة فوقها طبقة من الجبن ، اللحم نوعيته ممتازة وتبهيرته مميزة .
.
.
لحم بالفرن
ما اعرف اسم الطبق في المنيو ، ولكن تجي مثل البيتزا اللحم مع الجبن ، طعمها روعة والجبن نوعيته ممتازة واللحم شغل مميز ، من الاطباق المميزة اللي جربتها .
.
.
بالنسبة للحلى جربنا عندهم تشيزكيك الزعفران والمهلبية بالفستق وشوكولاته ، كلها كانت لذيذة وخصوصاً شوكولاته التقديم محشية ومرة مميزة تصلح تاخذونها شوكولاتة تقديم لمناسباتكم .
.
.
التجربة ككل كانت مميزة ومريحة ولذيذة ، كل الاطباق كانت ممتازة وما فيه ولا طلب ما عجبني وخصوصاً اللي اكدت لكم عليه
التقرير الأول
من المطاعم الجديدة فالخُبر .. تجربة هالمطعم كانت جداً جميلة من كل النواحي 👌🏼⭐️.. الأكل لذيذ والبرزنتيشن جداً حلو ومرتب المكان هادي ورايق الخدمة لطيفة المطعم حالياً إفتتاح تجريبي ولازم تحجزون قبل ماتجون للأمانه المكَان يستاهل التجربة 🙏🏼..
التقرير الثاني :
مطعم ومقهى جديد يقدم أطباق متنوعة أغلبها من المطبخ الإيطالي فيوجن ، أجواء المطعم مرة رايقة والخدمة مميزة والأكل روعة ، عندهم جلسات قهوة خارجية صغيرة اجواء المطعم تنفع تروحون تتقهوون وتنفع تروحون تاكلون وجبة عندهم ، يقدمون وجبة الفطور من الساعة ١٠ الصباح الى الساعة ٢ الظهر ، عندهم انواع قهوة يتميزون فيها مثل القهوة الامريكية بالحليب والهيل والزعفران ، عندهم طبق السمك مجنووووون روعة وفطيرة اللحم بعد رهيبة وشوربة الطماط من الآخر وحتى الستيك كان لذيذ
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
