مطعم جولدن جيت الخبرالمطعم جميل جداً. المكان كبير مع سقف زجاجي و نوافذ كبيرة مطلة على البحر بسبب قرب المطعم من الكورنيش و التكييف ممتاز و هذا امر مهم. الاكل لذيذ ، المشويات و الحمص ابداع. الكبة منظرها حلو و لكن ثقيلة ما عجبتني كثير. الفطور روعة 👏🏻👏🏻👏🏻 انصحكم بزيارة المكان بالتأكيد و راح اعيد زيارته انا لتجربة اطباق اخرى من المنيو المتنوع. اتمنى لاصحاب المطعم النجاح الدائم و الاستمرار بتقديم المأكولات الشهية و الخدمة المتميزة.
الاسم:مطعم جولدن جيت الخبر
التصنيف: عائلات – افراد
النوع: مطعم
الأسعار:متوسطة
الأطفال:مناسب
الموسيقى:على حسب الطلب
مواعيد العمل: ٧:٠٠ص–١٢:٠٠ص
الموقع الإلكتروني للمطعم: للدخول للموقع الإلكتروني للمطعم اضغط هنا
الموقع على خرائط جوجل: للوصول للمطعم عبر خرائط جوجل اضغط هنا
ايه يا كذا المطاعم يا بلاش فعلا يستحق المدح و الثناء و الشكر الجزيل لإدارته و طاقم العمل الفنان بسم الله نبدأ بأجواء المكان الرايقه جداً موقع الفندق المطل على كرنيش الخبر و توجد المطعم في الدور التاسع عطاه ميزه حلوه مره ، كل المطعم سكاي لايت و التكييف مره مره ممتاز عشانك بتفكر مكان تضربه الشمس من كل جه لكن لا تخاف ما حسينا بتشة حر. صراحة كل الاكل لذيذ كل شي عجبني الاكلات الشاميه على اصولها و كمية الاكل بالصحن راهيه. تمنيت طلبت المنيو كله اوصي به جداً جداً و لينا زيارة ثانيه و ثالثه 👍🏼👍🏼
التقرير الثاني:
المطعم صاير في الطابق التاسع ٩ من الفندق. المكان شرح والجلسة حلوه والديكور جميل. الجو بشكل عام جميل وشرح وبارد. الأكل ممتاز. أتكلم عن المقبلات والمشاوي والعصيرات. أنصح بالحمص باللحم ممتاز، فتوش ممتاز، أوصال لحم مميز، شيش طاووق طعم وطري، الكباب الهندي يجي زي الطاجن بالصوص مغطى بطبقة خبز مشوي بالفرن مميز الصراحه. الخدمه متوسطه ممكن تحسينها بحيث يكون الطاقم قريب من الزبون واحتياجه ومايضطر الزبون يقوم من محله يناديهم ومايحتاج ينتظر وقت طويل لين تجي الخدمه. لكن الطاقم كان يحاول جاهدا إرضاء الزبون يمكن السبب قلة عدد الطاقم. السعر غالي شوي لكن بمقابل الجلسه والأكل السعر جيد. باختصار مطعم يستاهل التجربه.
التقرير الثالث:
من الظلم ان هذا المطعم مايتم تقييمه خمس نجوم لانه مسكت من كل الجهات ومافي شي كامل ولكن هذا المطعم من اندر الاماكن اللي يلبي احتياج اي زبون سواء في لذة الاكل وتنوعه او في حجم الطلبات او في جودة الخدمه او في جمال المكان والاجواء. كل اللي طلبته اعطيه ١٠/١٠ الانتقاد او الملاحظه اللي وصلتها للاداره هي ان كان يتواجد كذا عائله معاهم اطفال ومسوين ازعاج وللأسف لم يتم المحاوله من الاداره لوضع حد للازعاج الا بعد ما طلبت من الاداره بوضع حد للازعاج. الاسعار مناسبه جداً والخدمه ممتازه والكل يبي يخدم بقلب. وخصوصاً الفلبيني ألبير. من الاشياء المميزه هو تواجد جلسات مزوده بمنقله للشواء.
التقرير الرابع:
مطعم البوابة الذهبية .. من أفضل الاماكن اللتي زرتها في مدينة الخبر واستمتعت جداً بكل من الرحابة وتصميم المكان المتميز وطاقم الضيافة خصوصاً عند اتمام الطلب وانتظار الوجبة اللذيذة جميع الاطباق اللتي تم طلبها كانت كما توقعنا مع حفاوة التقديم من رئيس الطاقم ومساعده انور .. والاجواء المسائية مع صوت النوافير ☺️ ختاماً لا انسى ذكر الفقرة المهداة من طاقم الضيافة حيث الوقت حينها شارف على منتصف الليل وأغلب طاولات المطعم كانت قد تم خدمتها ومعظم الزبائن قد رحلوا مستمتعين .. فقره موسيقية قصيرة من غناء باتريس تتمنى خلالها السعادة للجميع بالخصوص انا وزوجتي ❤️ يستحق الزيارة والتجربة في اوقاته المختلفه ( الافطار ، الغداء ، العشاء ) ..
