مطعم اسبري سيهات SPREE Rooftop Lounge المكان جداً راقي ورائع، الموظفين كلهم أخلاقهم عالية وأخص (عبدالقادر – دلال – فاطمة ) ، الاكل لذيذ والاسعار كويسة . أكيد راح نكون من الزباين الدائمين .. بالتوفيق
طريق الخليج, الكوثر، سيهات
966505339338+
جربتهم في رمضان و كان الاكل لذيذ بصراحة و كانت الخدمة ممتازه
اليوم جربت الغدا عندهم :
– السلطة الخضراء ( في رمضان كانت الذ بكثيير ) الحين اعطيها 7/10 البصل مقطع كبار والصوص متغير
– باني الدجاج ( برضو في رمضان كانت الذ ) الحين اعطيها 7/10 الصوص فيه زيت كثير
– روبيان الكنافة 8/10 لذيذ و نكهته حلوه و يجي معه مكعبات بطاطس مبهره حلوه مرة و صوص كذا زي اللبنة اضافة حلوه للطبق 👍🏼♥️
الخدمة حتى هالمرة حلوه و موظفينهم لبقين
عندي ملاحظات بسيطة: الطاولات الدائرية صغيره و اطباقهم كبيرة ف ماتاخذ راحتك و مو حاطين تيشو ع الطاولات
– يحطون ضيافة ميني ساندويتش + صوصات
الاستقبال جيد جدا وعندهم نظام الحجز المسبق
المكان مرتب نظيف جدا هادئ لأبعد الحدود الاطلالة على الشارع حلوة الديكور وتنسيق الاضاءة واختيار الاثاث مرة عجبني شي مرتب وفخم تعليق بسيط المتين الي مثلي جرب الكرسي واختار الي يناسبك لان احجامها مختلفة وممكن ما يناسبك وما ترتاح فيه اووو الي صوته زيي لا يجي عندهم لانو هذا المكان عبارة عن ( اتيكيت ) الي مو اتيكيت لا يفكر يجيه ابدا المكان يبيله هدوء وروقان و ذرابة
الاكل لذيذ اخذنا سلطة شوربة فطر اذا ماني غلطان و باستا دجاج تجنن و حلى صغير كان خفيف مرة حلو ومتوازن السكر فيه حلاوته خفيفة انصح في الاشياء اللي ذكرتها طبعا حاط لكم الصور … اخذنا ستيك ( انا اسف ) لكن مستواه كان دون المتوقع كان قاسي شوي وحجمه صغير نوعا ما لكن الاضافات الي معاه البطاطس المهروس و البطاطس المشوي والصوص كانو ممتازين
الخدمة واو كان الي يخدمنا بنت وفي عمال تقريبا هنود لكن مرتبين ونظاف الى معلوماتكم بس 🙃
دورات المياه ما زرتها لكن المتوقع على نظافة المكان تكون نظيفة ومرتبة
دخول ذوي الاحتياجات الخاصة سهل وفي مصعد
المكان حق دلع و اجواء حلوة
( تعليق الوحيد الاسعار شوي غالية ما تناسب الكل وبس )
انصح انصح بزيارته بقوة ..تستاهلون الدعم تجربة جميلة والى الامام لنا زيارة اخرة قريبة باذن الله تعالى
تجربة رائعه صراحه ، مطعم خدمه راقيه ، تطور كبير في مطاعم المنطقه عندنا في سيهات ، المكان راقي ورايق والاكل لذيذ اعجبنا جدا ، الربيان بالكنافه والسالمون المشوي وايضا الريش المشويه ، الحلا كان شو شو عجيب جدا ويبي له معاه كوب قهوه ساده ، وفيه ضيافة من المطعم خبز مع هريس الزيتون كانت ضيافه خفيفه ولطيفه لذيذه ،، الاسعار مرتفعه نوعا ما ولكن هذا متناسب مع المكان والخدمه ، نقول عنه fine dining restaurant ، يستحق اعادة الزياره في المناسبات المميزه بالذات، مثل عشاء رومنسي ، ذكرى خطوبه او ذكرى زواج صراحه مره حبيت الاجواء
الاطلاله والهدوء بالنهار يشفع للمكان ولكن للاسف لسوء الاصناف مارح اطلب لو فكرت اكرر الزياره رح اروح بوقت نهار و اخذ شوربة دجاج و اجرب الكوفي .. باقي الاصناف للاسف ماتسوى
… الخدمه كويسه تعامل الموظفين جدا راقي و ديكور جميل خاصه بالنهار ،، جوهرياً الاكل ما يسوى و الطعم سيء الباستا مالها اي طعم او تقريبا طعم اندومي! شوربة الفطر سيئه، شوربة الدجاج لذيذه .. و الحلى مررره مو كويس شوشو ماحبيته عباره عن كمية كرميل دبس و كريمه .. حلى جوزهند بقلاوه ماله اي علاقه بالمسمى عباره عن عجينة بف باستري مع شوكلت يجيب الحومه .. “و الاسعار مبالغ فيها بمعنى الكلمه”
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
