إذا تبحث عن افضل مطاعم روبيان في الخبر فهنا جمعنا لك أفضل خياراتنا اللي ننصح بها زوار موقعنا الكرام، المطاعم في القائمة مجربة، ولكم اراء الزوار عنها
مطعم شرمبولوجي 🦐 ؛ الخبر ؛ العزيزية عوايل و عزاب .. .من أجدد مطاعم السطل البحري يفوز باشياء كثيرة 🦞💘🔥❤️.. ١- تعدد النكهات 😍
تقرير متابع :
للمزيد عن مطعم شرمبولوجي Shrimpology إضغط هنا
ممتاز والأكل لذيذ والخيارات البحرية متنوعة وكذالك الأرز عدة أصناف والعاملين ودودين وتعاملهم ممتاز ولاكن الأسعار مرتفعة و تحتاج إلي مراجعة
تقرير متابع :
لذيذ جدا طعمه ما شاء الله؛ وعندهم الاستاذ محمد محمود خلوق جدا جدا في تعامله جيتهم والوقت متأخر والمطعم يقفل ١٢ وقبل دخولي بكل نفس طيبة أهنيكم بهذا الرجل الخدمة فوق الممتازة المكان جيد ونظيف الأطباق لذيذة ولكن بمستوى متوسط جميل المكان والاكل مرررة لذيد والخدمة التي يقدمها السيد محمود من المنصورة اكثر من رائعه شكرا بحجم السماء له ولتعامله الراقي.
للمزيد عن مطعم دارين مأكولات إضغط هنا
مطعم كومو المطعم باختصار هو مطعم العائلة السعودية المناسب ❣️.. كل المواصفات اللي تطلبونها متوفرة فيه ابتداءاً من المنيو البحري و الهندي اللي يرغب فيه كثيررر منكم وصولا للجلسات الانيقة و الشرررحة اللي تطل عالكورنيش و على شوارع الكورنيش المهمة .. و تتوفر فيه غرف بخصوصية تامة و غرف بطاولات كبيره و مصعد لذوي الاحتياجات الخاصه 🙏🏻❤️
و تتوفر حواجز متنقله و قسم جمممميل للعزاب 😍
و لااااا ننسى اهم اهم نقطه الاسعار اللي تعتبر في متناول الجميع
تقرير متابع :
سمك العندق المقلي لذيذ وكذلك رز الصيادية مع الكنعد أما الروبيان التندوري فحجمه صغير وطعمه جدا عادي لايوجد فيه نكهة مميزه عن غيره من المطاعم وكذلك الروبيان المقلي حجمه صغير أيضا ولايوجد فيه مايميزه عن غيره من المطاعم وبدون عرض مستقبل الطلب عن الحجم المطلوب للجمبري ومع عدم ادراجه بالخيارات في قائمة الطعام حيث مشاهدتنا لجمبري جامبو في العرض مع الأسماك… وأما شوربة المأكولات البحرية على الطريقة الايطالية فهي ذات كثافة خفيفه شبيهة جدا بطعم شوربة الكريمة مع الدجاج حيث الاختلاف فقط في القطع المضافة دجاج أو مأكولات بحرية سعر المطعم غالي نسبيا.. عند دخولنا لقسم العوائل انتظرنا قليلا واقفين ليأتي الكاشير والعاملين ليرشدوننا لمكان مناسب للجلوس*يميزه عدم وجود الموسيقى يشكرون عليه*
للمزيد عن مطعم كومو como rest إضغط هنا
مطعم باوند اوف براون هو مطعم جديد متخصص بالسطل البحري ، مطعم شبابي اغلب الطاقم سعودي وخدمتهم خمس نجوم ، وفوق هذا كله الاكل على كيف كيفكم . طبعاً زي كل المطاعم اللي بنفس طريقته ، تختارون نوع البحريات اللي تبونها وعندهم ربيان ، قباقب ، لوبستر ومحار ، وبعدها تختارون نوع الصوص وعندهم صلصة بوب الخاصة بالمطعم وصلصة الثوم بالزبدة وصلصة الكيجن وصلصة بوب البيضاء وتختارون مستوى الحرارة اللي تفضلونها وعليكم بألف عافية .
تقرير متابع :
قطع ربيان وبطاطس مقلية عليها انواع صوصات واجبان ، تشبه فكرة الديناميت شريمب ولكن بطريقة مبتكرة اكثر ، مررة عجبتني الخلطة وجابت مزاجي 😍
للمزيد عن مطعم باوند اوف براون POP إضغط هنا
مطعم بكي الغداء سريع سريع و بصراحة المنيو كبير و ما مخمخت عليه ! انا فتحته و قلت معقول كل هذا عندهم 😂😂.. و تخيلوا مع كل هذا طلبي في الاخير طلع مو موجود بالمنيو 😳😳😂😂اختاره لي الجرسون كواحد من الطلبات الاكثر شيوعاً و انا وافقت عليه 😎
تقرير متابع :
الطلب سمك سلطانة .. سمك فيليه مقطع و يقدم بتتبيلة خاصة و بهارات و حار وسط ..في مثله دجاج و ربيان و اكيد لحم .. .. الطعم لذيذ بس ماحسيته الشيء الخرافي و المميز و اللي ادمااان خلاص و كل مره بشتهيه و هالزحمة كلها .. تقييمي للطبق ٧/١٠ .
للمزيد عن مطعم بكي Bikki إضغط هنا
مطعم فش ماركت – سوق السمك📍كورنيش الخبر الشماليجنب مطعم مغل
تقرير متابع :
للمزيد عن مطعم سوق السمك إضغط هنا
مطعم البانوش من اعرق وأوائل المطاعم البحرية في مدينة الخبر .. وفي هذا المطعم ممكن تاكلون أفضل أكل بحري في الخبر من وجهة نظري
تقرير متابع :
شوربة بوليابيس البحرية .. 29 ريال
شوربة بحرية حمراء لذيذة وبهارات موزونه وكل شي فيها ممتاز ما عدا ملاحظة وحدة وهي ان الربيان المستخدم فيها شاك انه مجمد من لونه ولكني مو متأكد من هالمعلومة .. ولكن بشكل عام ممتازة جدا .
للمزيد عن مطعم البانوش Albanoosh إضغط هنا
مطعم شرمبيل بالخبر المبدعين بالسطل البحري 🦐🦀🤤👌 بس نصيحة خلي البرستيج و الاتكيت في البييت قبل ما تروح تاكل عندهم🤤😬😂😂😂 . . 🦐 عندهم سطل روبيان او محار او قباقب او لوبستر وممكن تطلبو سطل مكس فيه (روبيان و قباقب و محار )
تقرير متابع :
تغطيتي لمطعم @shrimpail شريمبل من المطاعم البحرية اللذيذه اللي جربتها واللي تقدم السطل البحري بنكهات متنوعه و المنيو اختياركم من الروبيان ، القباقب ، المحار ، الاستكوزا او الميكس البحري مع خيارات من المقبلات والشوربة والرز 😍❤️ 🦀🦞🦐🐟 عندهم صوص البانااروزا يفوز مره لزم تجربونه اوالصوص الخاص فيهم. النظافه عندهم توب التوب والخدمه جدا ممتازه والاهم من هذا كله روح الفريق بشوشه
للمزيد عن مطعم شرمبيل shrimpail إضغط هنا
مطعم شرمب اناتومي صراحه ما اقدر اعيب المطعم بأي شي. الجلسه شرحه في النهار . الاكل ممتاز. الربيان حجمه كبير مقارنه بالمطاعم المنافسه. جربنا كم نوع من الصوصات و جميعها كانت لذيذة. الخدمة سريعه و احترافية. الله يعطيكم العافية.
تقرير متابع :
جربت المطعم بعد مقابله عمر حسين ل المهندس عصام هنيدي ممكن عشان كذا كنت متوقع طعم ونكهات افضل بالمجمل تجربه جميله وتعامل جميل وكل شي حلو بس الطعم عادي ….. احد المطاعم الشرمب بالنسبه لي افضل منهم من ناحيه الطعم ….. وعادي ممكن ارجع ازورهم ثاني مره
للمزيد عن مطعم شرمب اناتومي shrimpanatomy إضغط هنا
للأمانه اول تجربه لي بهالمطعم و نوعية الأكل لكن الشهاده لله شبعت ولازال الأكل كثير و يكفي عدد اكبر. الروبيان حجمه راهي و الصوص لذيذ جداً. شكراً لملاك المحل على كلامهم الطيب و حسن استقبالهم اللي صار بالمصادفه العاملين بالمحل خدمتهم على اكمل وجه و بشوشين ولا يمديك تطلب شي الا هو عندك 😂
تقرير متابع :
جربت عنده كنافه شرمب لذيذ جدا و فل هاوس عباره عن شرمب ، محار، كراب ، ذره و ورز ومع اني مو كثير احب المأكولات البحريه او فكرة سطل المكس ولكن هذا يفووووز.. بهاراته لذيذه جدااا وتميزت عن غيرها من المطاعم.👌👌.. جربت التشكن رول يجي ساندوتش
اللوبستر رول والروبيان رول وروبيان الكنافه وفرايز رش بصوص الاڤوكادو 😍وكلها عجبتني اكيد ورجعت لهم ثلاث مرات عشان الرول والكنافه
شوربه الذره جميييييله و اطعم كنافه شريمب ذقتها .. و اللوبستر رول شي خيالي
للمزيد عن شرمب رش SHRIMPRUSH إضغط هنا
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
