إذا تبحث عن افضل كافيهات الاحساء الهفوف فهنا جمعنا لك أفضل خياراتنا اللي ننصح بها زوار موقعنا الكرام، الكافيهات في القائمة مجربة، ولكم اراء الزوار عنها
ماشاء الله مكان شرح للجلسات ويفتح النفس والدونات المحشيه روعه جداً طريه ونكهات ممتازه ومتعدده والقهوة شبانش لاتيه ممتاز واللاتيه حلوو. موفقين باذن الله
تقرير متابع :
كانت لي تجربة حلوة، أخذت منهم آيس كريم وللامانة شي خرافي الله يبارك لأصحابه. ياحظكم فيه يا أهل الإحساء. والمعرض بشكل عام ممتع بالتصميم والعرض الجميل للمنتجات مثل القهوة والادوات الخاصة بها والخدمات اللي يقدمونها بكل أريحية . نعاود التجربة اذا كتب الله لنا زيارة للاحساء
للمزيد عن كافية 180 ديجريز إضغط هنا
واحد جميل وصغير .. عنده بيروش بالبيض جذاً ولا جميل وعند الشباتي و الكرك .. يستحق التجربه وعليكم عافيه 👋🏼😊
تقرير متابع :
مقهى يقدم قهوة مختصة، البن المستخدم من محمصة كوب النخبة وهي من أشهر المحامص السعودية. أكثر ما يميز المكان هو أسعار المشروبات المنخفض مقارنةً بمقاهي المنطقة. • أتردد كثيراً على هذا المكان وجربت أغلب المشروبات الباردة والساخنةوكانت لذيذة جداً ومحضرة بإحترافية عالية. يوفر المقهى وجبات الفطور الخفيفة والحلويات، يتميزون باللقيمات المحشية بحشوات لذيذة جداً. • المكان صغير وعدد طاولاته قليلة، غير مناسب للعائلات. تصميم المكان بسيط وجميل. يوفر المقهى بُن من محامص مختلفة (محلية وعالمية) للبيع للإستخدام المنزلي، كما يوفر خدمة طحن البُن.
للمزيد عن كافية رسلان إضغط هنا
مكان جميل ونظيف هادئ حبيت البيستاشيو الحار مره لذيذ وجربت كيكة العسل لابأس فيها بالتوفيق 💖
تقرير متابع :
ما شاء الله تبارك الله اول مرة اشوف مقهى يتفق على تميزه الاغلبية! بصراحة مقهى مميز يقدم الايسكريم بطريقة جذابة واسعار جداً رخيصة كان في السابق عبارة عن ( فود ترك ) يقف مقابل الاحساء مول والآن تطور واصبح لهم محل جميل جداً وجذاب رغم صغره الا ان هذا الشيء لايعيبه لان كل المحلات اللي جنبه صغيرة بناءً على تقسيم المبنى الموجود فيه اعجبتني عبارة الملك فيصل رحمه الله المكتوبة على الجدار 😍♥️ انصح بزيارته وراح اكرر التجربة طبعاً اذا مريت من هنا صلِّ على محمد صلى الله عليه وسلم وعطني لايك 🌹♥️
للمزيد عن كافية ذا ديقري The Degree إضغط هنا
مقهى تميرات يتميز بموقع سهل الوصول وتوفر مواقف فسيحة وتتنوع الجلسات فيه ما بين خارجية وداخلية وخاصة بالمدخنين بمقاعد مريحة ويقدم حلويات شهية ومشروبات ساخنة وباردة لذيذة بأسعار متوسطة وتعامل جميل من الموظفين، يعاب عليه رفضه الدفع باستخدام البطاقات الائتمانية.
تقرير متابع :
مكان مميز جداً تعامل الموظفين تعاملهم ممتاز جداً أثاثه من النوع الكلاسيكي الرايق بإمكانك متابعة المباريات الأوربية والمحلية يصلح حق مذاكرة او عمل بالابتوب او بدونه الوجبات حلو مرتفع أسعاره نوعاً ماً اغلب الي يجون المكان كبار وشخصيات كبيرة واخواناً من الخارج تونس ومصر وليبيا ملاحظة : يمنع الجلوس بدون الطلب من المنيو – يرفض رفض بتاتاً ادخال الاكل من الخارج – يوجد مكانين لمدخنين وغير المدخنين وجلسة خارجية .
للمزيد عن كافية تميرات إضغط هنا
الصدق يقال مقهى جميل واكثر ما يميزة الاكل اللذيذ بايدي عاملة من بنات البلد ومن يشرف على الزبائن هم من بنات البلد وهذا شيء نفتخر فيهم جميعا وديكور المقهى جميل جدا .
تقرير متابع :
مقهى راىع انا من سكان الجبيل الصناعيه وهذي. أول زياره لي للمحل بتوصية من أحد الأصدقاء جربت لاتيه اطايانو وفوتشيني كريب والكلمنجارو والخبزة الاسبانيه كان الطعم مميز وطازج والمكان روعه هدو وفخامة ومعاملة لطيفه من الموظفات أن شالله مو آخر زياره اهنىكم والله يوفقكم
للمزيد عن مقهي ليالي تشرين إضغط هنا
تقرير متابع :
مطعم دهليز كافيه … دهليز كافيه من المقاهي المنتشرة بشكل واسع في الأحساء وموجودة في اغلب المناطق بالأحساء … شهرة وتميز فيه بين الديكورات الراقية واتخاذها الطابع القديم والتراثي الجاذب للعيون قبل الزبائن … المكان راقي والأسعار مقبولة في بعض الأشياء … استقبال ممتاز وتعامل من العاملين بشكل لائق للمكان …
للمزيد عن دهليز كافيه إضغط هنا
مقهى رايق و هادئ و جلسات لطيفة داخلية و خارجية. التعامل جيد و الخدمة سريعة. عجبتني خيارات الحلا عندهم و خصوصا الدونات و الكوكيز الي يجهزوه بشكل طازج عندهم. الاسعار بشكل عام متوسطة-مرتفعة اشوي.
تقرير متابع :
المينيو: لديه أغلب وصفات القهوة المعروفة سبانش لاتيه وغيرها بالإضافة للقهوة المختصة والمقطرة وأنواع من الحلى مثل كيكة العسل والزعفران ودونات بنكهة الكندر والنوتيلا والسينابون والفستق. الأسعار: تعتبر أسعاره متوسطة إلى مرتفعة. المذاق: ما تذوقته هو دونات الكندر وهو لطيف وخفيف وعصير اللومي الحساوي وأيضا طعمه يعتبر لذيذ وجيد.
للمزيد عن كافيه جو إضغط هنا
هذا مكان يذهلك جدا البوابة الخارجية ومدخل الكافية وموقعة لايعكس جماله وروعته من الداخل… المكان من الداخل رايق وجميل ونظيف ومريح جدا يوجد فيه جلسات للعوائل تشعرك بالخصوصية… العمالة فلبينية متقنة للعمل الاستقبال ممتاز والخدمة ممتازة والمكان من الداخل رائع جدا والقهوة والحلا رائع جدا… يعيبة ان الأسعار تعتبر غالية وقلة مواقف السيارات كما سعر زجاجة الماء مبالغ فيها جدا حيث يقدر سعر القارورة الواحدة ٧ ريال …. انصح بتجربته وبقوة
تقرير متابع :
مطعم وكوفي جدا جميل وراقي ومميز من ناحية تنوع المأكولات والمشروبات وطريقة تحضيرهم وايضا الطعم جدا رائع وكذلك التعامل ممتاز لكن يعيبه ارتفاع الاسعار لو كانت أقل لكان أفضل .. لي زيارة أخرى وتجربة للحلويات والمشروبات الساخنة حيث كانت تجربتي الأولى فقط للعشاء
للمزيد عن كافيه جاس إضغط هنا
المكان لطيف صحيح صغير بس يستاهل ، الاسعار مناسبه وبمتناول الجميع ، معاملة الستاف رائع جدًا مراا يرحبون بالزباين وبشوشين حبيتهم جد حبيتهم 😭❤️ وبس اتمنى لهم الافضل وماراح تكون زيارتي الاخيرة لهم اكيد 🥺❤️.
تقرير متابع :
مراا حبيت تنوع الاصناف يعني الواحد يحتار شنو ياخذ وحقيقي عجينة الكرواسون تفوز تفوز تفوزززززز 🤩🤩🤩🤩 شكلها وطعمها واو ، عن نفسي جربت ساوردو بيض الكمأة <~ رائع جدًا طعم نار + ساوردو سبانخ +كرواسون زعتر <~ اول مرة اجرب زعتر مو غثيث وبالعكس حلوو.😭❤️❤️🔥 + بيض مقلي . المشروبات جربت الكورتادو [9/10] + عصير البرتقال بدون اضافات وقدامكم تسوفون انه طازه 🤩🤩+ فلات وايت [10/10] .
للمزيد عن كافيه ومخبر دوت إضغط هنا
المكان جميل وهادي ومرتب ونظيف والعمّال اخلاق واخصّ الكاشير الشيخ فايز حبيب الكل تحياتي 😍😂♥️ الاسعار جداً مقبوله وفي متناول الجميع 👍🏻 عندي اقتراح بسيط المفروض يجيبون عامل يمني مختص في القهوة العربية عشان يضبطها 😇 .. تقبلوا تحياتي وبالتوفيق 🌹
تقرير متابع :
افضل ديوانية ومكان مخصص للحلا في السعودية على الإطلاق 🔥🔥 وش اقول ووش اخلي بس ، مختصّين بجميع انواع الحلا وكل صنف عندهم اطلق من الثاني يعني تجيهم ودك تطلب المنيو كله 😂♥️♥️ طلبي اللي في كل مره اجيهم اطلبه وانصح فيه هو ” كيكة الكراميل ” ” كوكيز شوكلاتة ” انصح فيها وبشدّه للأماااااانه قوووويه 😍 افضل صنفين حلا جرّبتها عندهم من وجهة نظري خفيفه ولذيذة جربوهااا 👌🏼
للمزيد عن كافيه ديوانية العنة إضغط هنا
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
