إذا تبحث عن افضل مطاعم غداء في الخبر فهنا جمعنا لك أفضل خياراتنا اللي ننصح بها زوار موقعنا الكرام، المطاعم في القائمة مجربة، ولكم اراء الزوار عنها
مطعم مهراجا هو مطعم هندي فخم جدا واكله ممتاز جدا جدا .. من أفضل المطاعم الهندية في الخبر ولكن اسعاره مرتفعة .. أنصح فيه في المناسبات الخاصة مثل عيد زواج او احتفال رومنسي .
نبدأ بخدمة الطاولة
يقدمون نوعين من خدمة الطاولة .. الاول عبارة عن رقائق هندية هشة مع 3 أنواع تغميسات النعناع والمانجو وصلصة الطماط الحارة .. الطبق لذيذ وبداية مميزة في المطعم .
وفيه طبق ثاني يقدمونه خدمة طاولة وهو عبارة عن قطعة جبن مع سبانخ وصلصة خضرا اتوقع انها بيستو .. حتى هذا الطبق ممتاز ويبشر ببداية موفقه للطلبات وللطعم .
سابز تريكون Sabz Trikone
3 قطع من سمبوسة الخضار الهندية .. بهاراتها مضبوطة ونكهتها موزونه .. السمبوسة طعمها رهييييب خصوصا مع الخلطة الحلوة اللي تقدم معها اتوقع انها تمر هندي وتغميسة دبس الرمان .. لا تدققون في السمبوسة اللي انوكلت قبل التصوير
السعر .. 55 ريال
التقييم 9/10
طبعا تذكير .. أسعار المطعم تعتبر مرتفعة مقارنة بالمطاعم الهندية الثانية ولكن التجربة تستاهل للجو العام في المطعم .. انا اعتبره من المطاعم اللي اروح لها بفترات متباعدة في المناسبات الخاصة .
للمزيد عن مطعم مهراجا إضغط هنا
مطعم يمتاز بالاكلات الشعبية والشامية كل ما تشتهي في متناول يديك و يوجد لديهم قسم عائلات بالإضافة إلى سمعت فلفلة المشهور وفعلا هم أصحاب الطعم المميز ولمعرفة المزيد عن المطعم انضم الينا.
تقرير متابع :
فلفله غني غن التعريف مطعم عريق لذيذ جداً كل اكله تقول الزود عننندي لاكن ارى في السنوات الاخيره المبالغه في الاسعار اتمنى من الاداره مراجعتها شاكر لكم مقبول من حيث جودة الطعام ومن حيث معامله الزبائن
للمزيد عن مطعم قرية فلفله إضغط هنا
مطعم المشوى العنابي هو مطعم متخصص في المشاوي وخصوصا اللحوم .. ويتميز المطعم بأسعاره الممتازة والمنافسة لأغلب مطاعم المشاوي .. اغلب اسعار الاطباق في العشرينات .. نوعية اللحم اللي يستخدمها ممتازة وترفه وطرية وتذوب في الفم .
تقرير متابع :
ممتاز مقارنة بفرع الأحساء صراحة فرق كبييير في طعم الأكل اكثر شي احبه العرايس عندهم الكباب لذيذ التبولة والحمص متوسطة المستوى تحتاج تعديلات مطعم شامي المفروض مميز بالمقبلات أتمنى يفتح فرع للعوائل
للمزيد عن مطعم المشوى العنابي إضغط هنا
مطعم العروبة بروستد العروبة ؛ يعتبر بروستد الطيبين لسكان الخبر و أهلها .. اخر مرة جربته عام ٢٠١٠ و جربته اليوم بعد ١٠ سنين ؛؛ و سبحان الله نفس الطعم .. 😂👏🏻
تقرير متابع :
البروستد طيب الملوحة موزونة و و ليس دسم و الدجاج صغير مقبول و الحمص جيد و الثوم ممتاز عندهم الخبز يابس شوي لو يختارون مخابز مثل اليحيى او مشهور او التميمي طرورة ممتازة
للمزيد عن مطعم العروبة al_oruba إضغط هنا
عسانا في #مطعم_لمار للمأكولات البحرية (برياني، مكبوس، مشخول، ستاكوزا جبن، ربيان، السمك بأنواعه)
وخصم لمتابعي سناب الشرقية ٢٠٪ 👏 ايام السبت والأحد والاثنين وعندهم توصيل بعد
العنوان الثقبة شارع الجزائر بجانب ملك المندي تلفون: 0138647733 وجوال: 0532785344
تقرير متابع :
المطعم من حيث جودة الاكل فهو ممتاز والسمك جديد ولي فترة طويله اتعامل معه ولكن اخر مرة قبل كم يوم غيرت رأيي به والسبب انه بدأ يتلاعب بالكمية مع عدم خفض السعر لدرجة انه خفض الكمية الى اقل من النصف حيث كنت اخذ منه صحن السمك والربيان مع الرز الحجم الصغير ب ١١٠ ويكفي له ٥ اشخاص اما هذهي المره جابه بصحن جداً صغير ويفشل ولا يكاد يكفي شخصين.. حبذا لو يتم مقاطعته حتى يضبط وضعه
للمزيد عن مطعم لمار lamarrestaurants إضغط هنا
اللي يبي #مظبي مثل العالم و الناس يروح #ملك_المندي … صدق صدق هذي فايده التغطيات و الا كل مره اروح ملك المندي لاجل المندي لكن يوم ذقت المظبي اتعنى عشاااااانه💘💘💘.. تتبيلة الدجاج و طريقة شويه ولا غلطة .. تشتهي الدجاج لحاله من لذته😍
تقرير متابع :
من المطاعم الجيدة في المنطقة الشرقية ، يوجد مكان للعوائل ، والمكان هادئ ورايق لتناول الطعام فيه وجلساته جيدة جداً . يعتبر مطعم شعبي ، وبالتأكيد يوجد مطاعم أفضل منه بالمنطقة ، لكن بشكل عام طعمه لذيذ وأصنافه مرغوبة كالدجاج واللحم . يعيبه أن سعره مرتفع بعض الشيء ويفتقر لجزء من الخدمات ، كالمناديل والشطة والطحينة وما شابه ذلك
للمزيد عن مطعم ملك المندي malekalmandi إضغط هنا
تقرير متابع:
مطعم مشويات ربيع الشام اجمل ما في المطعم تعدد الاصناف. قائمة ضخمة من كافة انواع الأكل والبلاد المختلفة. المشاوي رائعة وكذلك الشاورمة وبعض الطواجن ينصح بها يعيب المكان التهوية فهو حار صيفا او شتاءا وايضا قلة عدد المناضد وبالتالي الأماكن خاصة في الويك إند.
للمزيد عن مطعم مشويات ربيع الشام اضغط هنا
مطعم كودو ممتاز مطعم مأكولات سريعة بالنسبة ليه أطلق مطعم مأكولات سريعة بس مو زي المطاعم إلي لحومها طازجه
تقرير متابع :
أحلى فرع لكودو ؛ كلما جينا للشرقية نحب نفطر فيه ؛ فيه إطلاله على البحر ؛ وفطورهم لذيذ ؛ جربت معظم الأنواع عندهم وكلش لذيذ ؛ السعر لو يكون أقل بيكون أنسب
للمزيد عن مطعم كودو kudu إضغط هنا
مطعم روائع امواج البحار
مطعم متخصص في البحري 🐬🐟
السمك طازج يوميا 🐠
اكلهم لذيذ وعندهم عروض للافراد والمجموعات ..
يوجد جلسات عائلات خصوصيه تامة وافراد 📌
دوامهم : ١٠ صباحا الى ١٢ ص🧭
تقرير متابع :
للمزيد عن مطعم روائع امواج البحار rawdmm إضغط هنا
مطعم الريحانتان اشتهر بكباب الحاشي المطعم نظيف والأكل جيد والسعر مناسب ..
تقرير متابع :
مطعم مشاوي وشاورما وبروستد. يتميز بتقديم مشويات كباب حاشي ممتازة. الاسعار معقولة. مكان الجلوس كبير مخصص للعزاب فقط. الكراسي جلد وما زالت مغلفة بالبلاستيك، شي مزعج ويدل على عدم الاهتمام براحة الزبائن. الخدمة متواضعة. انصح فيه للطلبات الخارجية.
للمزيد عن مطعم الريحانتان alryhantan إضغط هنا
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
