كافية Pallet بالت الدمام فكرة جديدة لدمج مقهى بمطعم مقهى يقدم قهوات مختصه مشروبات بارده وساخنه ومقطره وايضا مطعم يقدم عدد من الاطباق الايطاليه والامريكيه والبيتزا وحلا الوافل. المطعم متوسط المساحة من دورين خدمة سريعه اطباق مضبوطة ولذيذة الطعم. تعامل راقي من صاحب المكان اجواء هادئة ومريحه يستحق الزيارة والتجربه
الكافية من افضل كافيهات دارين مول الدمام
طريق الخليج، العزيزية، الدمام 32424، المملكة العربية السعودية
966566768151+
مكان مميز وديكوراته جميلة طلبنا كان سفري بسبب الإجراءات الإحترازية وكان لذيذ.
هالمقهى والمطعم يوفر لك جو رائع و ديكور مميز و موسيقى جميلة و الأهم أطباق لذيذة و سعر مناسب .. جربت البانكيك الكلاسيكي رائع من حيث الطعم والطراوة والسماكة والتقديم 👍🏻 الشكشوكة الخاصة لديهم لذيذة لكن ربما ما تتناسب مع كل الأذواق فيها جبن بشكل مبالغ فيه شوية لدرجة ممكن يحجب عنك الطعم لو كنت تميل للطعم الأصلي .. الكبدة الطازجة طبق لذيذ لكن لاتتوقع لمسة مختلفة وهالشيء ما يعني أنه سيء بالعكس بعض الأطباق جمالها في كونها تنعمل على أصولها 👌🏻 القهوة كابتشينو حجم الكوب كبير وسعره أقل من باقي المقاهي أظن كان السعر 11 ريال لفتني وجود أنواع متنوعة من البن من مختلف الأنواع خاص بالمقهى و بسعر 94 ريال للنصف كيلو المنيو غني و يتناسب مع باقي الأذواق ! يعيب المكان حجم الطاولات صغيرة بالدور الأرضي و هالشيء أزعجنا في الفطور كون صحون التقديم حجمها كبير ، لكن أطلع للطابق فوق بيكون حجم الطاولات مختلف ومناسب !! أنصح به ⭐️⭐️⭐️⭐️⭐️
المكان جميل ورايق ماشاء الله.. الأكل لذييييذ خصوصا الشكشوكه السبيشال.. والبلاليط كان مميز.. بس الطاوله صغيرووونه قد صحن الفطور.. والسعر شوي مبالغ فيه
مكان مناسب جدا للفطور المكان حلو ومريح الاسعار مناسبه وكميه الاكل حلوه تجربه ممتازه عندهم الوافل جدا مميز ولذيذ وخفيف الخدمه سريعه بتوفيق
لذيذ ..يستحق التجربة ..بس الفول محتاج بهارات وفوقه قطع بصل وطماطم😍👌الوافل كان قاسي كثيييير محتاج تعديل
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
