مطعم شرق في الاحساء واحد من الذ المطاعم اللي اكلت فيها. طلبت الاطباق اللي تشوفونها قدامكم والشاهد الله مافي منها اي شي ما عجبني او كان دون المستوى. خصوصا طبق تهاجين دجاج كان خرافي ولذيذ الى ابعد الحدود ويستاهل الشخص يجي المطعم عشان هالطبق بس. لكن اتمنى لو كانت كمية الاكل في الاطباق اكثر بس مع ذلك راح اجيه مستقبلا اكيد. يعطيكم العافيه
طريق الرياض، السلمانية الشمالية، الهفوف
+966135757001
مطعم يقدم أكلات كويتية شعبية بطريقة حديثة
زرته وسط الاسبوع وكان غير مزدحم
الديكور جميل وجلسات الدور الارضي اكثر حداثة من الدور الأول حيث الطابق الاعلى يغلب عليه الجلسات الخشبية
الاسعار متفاوته فيه الغالي وفيه المعقول.
الطلبات:
سلطة جرجير وشمندر : عليها جبن فيتا وجوز وتين مجفف : ١٠/٨ لذيذة وطعمها مع مكس المكونات ممكن يكون شوي غريب على البعض
ربيان شويخ: عبارة عن ربيان مشوي مع القشور وعليه صوص مشابه لصوص الدايناميت : ١٠/١٠ لذيذ وترف وخفيف اخف من الدايناميت المقلي
مجبوس دجاج : ١٠/٩ مررره حلوة الطبخة والدقوس الي معاه رووعة لكن يعيبه جانا تقريبا بارد ، ماكان ساخن بالشكل المطلوب
ضيافة الشاي اخر المطاف ما اعطونا اياها الا لما سألناهم عنها .. استغربت من الفلبيني اقول له المعروف انكم تقدمون الشاي بعد الاكل كضيافة، قال مانقدمها الا عند طلب الزبون !! ماعجبتني الحركة
لكن بالاجمال المكان جمييييييل وتجربة حلوة حلوة ارجع اكررها اكيد
المكان روعة، أجمل ديكور مطعم دخلته في الأحساء الموسيقى مرتفعة جداً، بعد ما كررنا الطلب منهم سكروها طلباتنا: سلطة شرق 10/10 ممتازة وكميتها راهيه والصوص لذيذ فيه شوي لذعة بسيطة فلفل مربين 10/10 لذيذ وكميته حلوة مجبوس لحم 10/10 ممتاز وكمية اللحم كثيرة والرز كشنته حلوة ومحشوم بيبسي 9 ريال الفاتورة: 200 ريال
المكان جميل وشكل جديد ويتميز بالطابع الخليجي البسيط التراثي وخاصة الكويتي ومكشوف والطاولات والكراسي طريقة الطابع التقليدي القديم عجبتني الديكورات طلباتي الفلافل ماعجبني والفول اقل من عادي والبيض مقبول نوعاً ما الشي المميز هو جبن حلوم بالباذنجان والمكان نظيف والخدمة جيدة والاسعار مبالغ مبالغ فيها
المطعم جايه بجرب الفطور لكن للاسف ماحصل وجربته غداء، والطلبات كانت عبارة عن : – برياني دجاج = كان طيب ونكهته زينه ويقدمونه بقدر كبير لكن لاتنبهر حاطينه بطاسة صغيره 🙂 – فتة باذنجان = طيبة بالحيل والكمية معقوله ومزنينها بدبس الرمان – جريش = خرافي وناطع حاطين عليه حامض ورهيب طعمه المكان زين لكن عتبي على راعي الحلال بالاغاني ؟ والله ماهي برستيج الا مكابر وذنوب المشكلة الصوت عااااااالي والله انه ازعاج اكثر من انه برستيج وكشخه.
الديكور حلو ورايق شخصيا اعجبني الجلسات قليله خصوصا ان الجلسات الخارجية ما يستخدمونها عشان الجو الحار غالبا تضطر تنتظر قبل تحصل لك مكان الاسعار غالية حبتين خصوصا المشروبات الفيمتو ب ١٩ ريال البيبسي ٩ ريال مچبوس الدجاج الكويتي اعجبني منكه وبهاراته حلو البرياني لحم كان عادي جدا وحسيت انه بدون ملح
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
