التقيم العام 4.5 من 5 تم تنقيص نجمة لاسباب سيتم ذكرها بالاسفل الاستقبال : كان لطيف وتم توجهينا للطاولة بالطابق العلوي ولكن بما ان عددنا ٦ اشخاص حجم الطاولة كان صغير لذلك تم جلب طاولة بعد ما فضت . الموظفين: كان تعامل الموظفين رائع وتم الطلب بسلاسة المكان: المطعم مو كبير ولايوجد طاولات للاعداد الكبيرة لذلك يفضل الحجز مسبقا ولكن بشكل عام اجواء المكان حلوه . الاكل: لذيذ ولطيف تم طلب معظم المنيو اكثر شي عجبنا والكل اتفق عليه التالي المقبلات: باباد تاكو ، والسمبوسة تندوري: باردا زينجا ( روبيان رائع جدا ) ، تيكا الدجاج . الكاري: كاراهي اللحم ، دجاج ملكي البرياني : برياني اللحم الحلويات : طلبنا طبق واحد وهو كنافة الجزر حيث ان الحلا في المطاعم بشكل عام عادي بس كان جيد . النان: طلبنا مكس نان والعادي يجي ٣ حبات ، الحجم صغير مقارنة بالسعر والخبز كان خفيف جدا . السلبيات: ١-الشوربة طلبنا النوعين الموجودة وكانت عادية جدا والحجم صغير شوربة الذرة كانت احلى من الروبيان ، شوربة الروبيان كان كمية الروبيان الموجودة قليلة جدا. ٢-بالرغم من ان الطلب كان كبير الا ان العامل قال بس لنا ٣ حبات نان سادة مجانا ، حجم النان يعتبر صغير ، العامل اضاف ٣ حبات مجانا ، طلبنا زيادة مكس نان . ٣- كان هناك تاخير في بعض الطلبات ، زدنا الطلب وطلبنا معاه نان سادة جا الطبق بدون الخبز واكلناه مع الرز بعد فترة اتى بالخبز و تم ارجاعه لعدم حاجتنا له . ٤-الاسعار مرتفعة مقارنة بحجم وكمية الاطباق . بالنهاية هذا تقييمي الشخص والناس اذواق وشكرا ،،،،
التقرير الثاني:
المكان و الإستقبال روعه طلباتنا كانت بروكلي تندوري روعه مرررررره لذيذ شوربة روبيان لذيذه خصوصا للي يحب الروبيان بارادا زينجا ربيان كذا مشوي وملفوف وطريقة تقديمهم حلوه مره عجبنا طعمه برياني اللحم خطير وطعمه مميز بالبهارات الهنديه طلبنا خبز نان ساده كل شي طلبناه حلو وأنصح بتجربته
التقرير الثالث:
انقل تجربتي بكل امانه المطعم جديد نظيف وهدوء الاكل ممتاز طعم وترتيب جربت سمبوسه البطاط وبرياني الدجاج والرز الساده والمسالا والتكه الدجاج للاسف ماعندهم سلطات الخبز جدا صغير وسعر الخبزه خيالي ٤ريال ليش؟؟ وكمية الاكل قليله بالنسبه للاسعار المرتفعه جدا ماراح اعيد التجربه والسبب الاسعار
التقرير الرابع:
وصلنا المطعم قبيل المغرب بقليل و كان ودنا نجربه من مده ديكورات المكان و الشكل العام جميل و الجلسات مريحه و رحابه و استقبال و تعامل الموظفين جداً رائع طلبنا كان : ماسالا ماكاني دجاج برياني خضار سمبوسة لحم و عصير ميكس ليمون وخوخ وشمندر القائمة للاسف محدوده الاصناف لا يوجد تنوع كبير كما لا يوجد قسم للسلطات الاكل لذيذ بشكل عام و سمبوسه اللحم مميزه و سبايسي عصير الشمندر والفواكة استبدلنا التفاح بالفراوله و كان لذيذ يعيبهم فقط ارتفاع حاد بالاسعار مقارنه بغيرهم من المطاعم الهنديه بنفس المستوى نتمنى لهم كل التوفيق
