إذا تبحث عن افضل مطاعم شارع الفتح القطيف فهنا جمعنا لك أفضل خياراتنا اللي ننصح بها زوار موقعنا الكرام، المطاعم في القائمة مجربة، ولكم اراء الزوار عنها
من افضل محلات لى في القطيف حق الشاورما كل الموظفين من اهل البلد ربي يوفقهم ويفتح لهم ابواب رزقه
تقرير متابع :
سندويش شاورما دجاج لذيذ جدا ، ورخيص بس ب5 ريال ، بس العيب السندويشه صغيرة مره مره وقليلة السلطة ، والطلب ياخد وقت طويل جدا نصيحة روح بدري ، مره طلبت تلفون سندويش يقول لي 50دقيقة طلبك ورحت إلا هو يقولي باقي 20 دقيقة زيادة. انصح صاحب المطعم يحط صيخين شاورما عشان يقدر يلحق الطلب على الشاورما ، لان مو الكل يحب ينتضر . كما لو يوفر سندويش صاروخ شاورما كبيرة ، بدل ما أطلب لي 3 او 4 سندويش شاورما ، صاروخ شاورما يكفي ، اسرع لمطعم واسهل لي .
التقرير الكامل لمطعم الشيف كميل
تصميم جميل خدمة رائعة جدا القهوة و المخبوزات جد جد كل شي فيه يفتح نفس من ديكور من نضافه من طعم من مشروبات من موظفين من خدمات 🤍🤍🤍
تقرير متابع :
برجر اللحم (The Truck) جداً لذيذ!
شاندويتش الدجاج الكرسبي ما أعجبني. كان جداً يابس وصعب المضغ.
الكاشير تعامله ما كان طيب معنا. طلب منا نلبس الكمامات بأسلوب سيئ. نبهوه الشباب وأعتذر. لكن تفاجأت بأنه استخدم نفس الأسلوب مع الزباين الي جوا بعدنا.
التقرير الكامل لمطعم كراج برجر
بيتزا اللي تستاهل تتعنى علشانها فعلا صارت ادمان، خدمة رائعه وموظفين متعاونين و الطعم ياخذك لايطاليا🙏🏾 انصح به
تقرير متابع :
الزيارة كان فترة 5:30 م المكان كان هاديء ومريح طاقم العمل شباب سعوديين يجيبون العافيه والكاشير بنت لطيفه كثير ، حقيقه انبسط اذا شفت مكان كل القائم عليه عيالنا وبنفس حلوه يتعاملون الزيارة الاولى لهم كنا ندور بيتزا عالحطب لذيذه ورشحها لنا صديق جربنا بيتزا ترافل بالمشروم والثانية دجاج بالبيستو كلها لذيذه والحجم الكبير ممتاز ومشبعه وخفيفه ماتغث السعر ممتاز اثنين بيتزا كبير مع مشروب واحد ايس تي الفاتوره 71 ريال
التقرير الكامل لمطعم موزافياتو
ماشاء الله الاكل جوده عاليه جدا بالاضافه الى معامله الشباب السعودي اللي اعلى من راقيه شباب سعودي نفتخر فيهم ويستحقوا الدعم. نتمنى نشوف فروع ثانيه الى هذا المكان المميز. بصراحه خمس نجمات قليله في حقكم
تقرير متابع :
بالفعل للآن أفضل و ألذ كباب أكلته، أتمنا يبقى مستواهم ثابت او يطوروا للأفضل. من الاطباق اللذيذة و اللذيذة هي الحمص و البابا غنوج.
أنصح الجميع بتجربته لان مجرد التجربة ستصبح إدمان على أصناف المشويات و المقبلات التي يقدمها هنا هذا المطعم
التقرير الكامل لمطعم شيش كباب
حقيقه الاكل لذيذ و الصوصات مميزه .. واهم نقطه عندي انه الدجاج مو زفر نهائياً ومو مزيت … في عندهم سلطه لذيذه مميزه اسمها سلطه التفاح مره عجبتني حسيت الطعم غريب ويستحق انه يتجرب
تقرير متابع :
المطعم رائع جدداً، الزنجر لذيذ وكمية الدجاج راهية، جربت الناقتس وشرائح الدجاج ممتاز ومقرمش
صوص الهوني باربكيو مميز ومختلف عن المعتاد
ديكور المحل جميل والطاقم لطيف
التقرير الكامل لمطعم ريد هين
المذاق جدا مميز ولا تشعر بانه مقلي نظرت لقلة كمية الزيت الموجودة. تعاملهم جدا محترم. عيبهم فقط ان المشروبات لييت باردة ابدا. السبايسي لذعته كبيرة جدا
تقرير متابع :
تعامل الكاشير وايد مميز وحبوب راقي جداً.. الاهم الطعم صراحة اول مره اجرب دجاج بهذي اللذة ماشاء الله والمكان شكله نظيف.. اقترح على صاحب المكان يزيد اصناف المنيو (المقبلات مثل أصابع الموزريلا او الهلابينو الخ) اقترح زيادة سندويشات مثل تويستر وغيرهم وصوصات اقترح يكون عندهم صوص جبن.. بشكل عام جداََ لذيذ وجميل ومو اخر مره
التقرير الكامل لمطعم تشكن اندستري
المكان مرتب والخدمة مميزة جدا. اخذت دجاج مسوي مع البطاطا المهروسة وكان روعة (١٠/١٠) واخذت كلاسيك تشيكن برجر واعجب ولدي جدا. موهيتو التوت موزون صح ويوجد جللسات جاريجة
تقرير متابع :
يستاهل خمس نجوم:
الاكل ولاغلطه
جربنا عندهم البرجر المشوي والمقلي
المشوي كان خفيف جدا، والمقلي مقرمش اول مره آكل من مطعم شي مقرمش وخفيف نفس حقهم
صاحب المطعم كان موجود وقت استلام طلبي وتعامله جدا راقي.
اكيد لي تجربة انشاءالله بالذات الى بروستدهم الربيان لان سمعت مدح عليه👍🏻
التقرير الكامل لمطعم بانق
دائما ارى المطعم في طريق عودتي من الدوام اليوم قررت اجربه وكانت تجربة ممتازة ولا راح تكون الاخيرة طلبي كان موستاش بيف بول الطبق عبارة عن خضار مسلوقة ورز امريكي ولحم فتيله الطبق ولا غلطة اللحم مطبوخ بشكل ممتاز وطعمه لذيذ وكذلك الخضار الرز الامريكي طعمه لذيذ تستطع اكله لحاله بدون اي اضافات 🥰 ، طبقي الثاني كان موستاش برجر لحم البرجر ايضا لذيذ وخيار ممتاز مطعم يستحق رفع القبعة له 🫡
تقرير متابع :
ستيك من الاخر يستحق كل ريال ادفعه فيه.. المطعم صغير بس فيه اوت دور ينفع في الجو الحلو.. مصدر اللحوم استراليه بس تحت اشراف صاحب المطعم ذبح اسلامي على كلامه والله اعلم
التقرير الكامل لمطعم موستاش باربكيو
مطعم رائع الأسعار في المتوسط الروبيان يفوز بصلصة الليمون و المشوي و لو جربت بقية الأصناف كنت عطيت رأيي لكن بإجماع الأسرة لذيذ و مضبوط يا رب يستمر بنفس الخدمة و الأصناف بجودتها و نشوف شوربات شرقية و أصناف تايلندية كل التوفيق لشرمب آند مور
تقرير متابع :
انا احب هذا الطبق وبصراحة كان جدا لذيذ ونص سعر الاماكن الثانية المتخصصة في هذا الطبق راح اتعامل معاه على طول ان شاء الله مايغير السعر
التقرير الكامل لمطعم شرمب أند مور
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
