إذا تبحث عن افضل كافيهات الخفجي فهنا جمعنا لك أفضل خياراتنا اللي ننصح بها زوار موقعنا الكرام، الكافيهات في القائمة مجربة، ولكم اراء الزوار عنها
من ارقى الأماكن قهوتهم لذيذة وحلاهم يجنن والخدمة ممتازة واسعارهم معقولة ومناسبة جدًا ♥️ فعلًا شي يشرّف بالخفجي موفقين يارب 🙏
تقرير متابع :
الكافيه يعتبر من الأماكن الراقيه بمدينة الخفجي في رقابة و يحرصون على مستوى الخدمة اللي يقدمونها الموظفين والطلب يصل يشبه الصوره بالمنيو . الاكل جيد جربت سابقاً التشوروز لذيذ. ومره ثانية جربت الإفطار العربي بس الشكشوكة باردة نوعا ما والباقي كان لذيذ، أما الحلا رد فلفت جيده والكوفي جربت الفلات وايت َممتاز و بالنسبة لأسلوب التعامل كان قمة في الذوق الموظف ياسر يعطيه العافية
التقرير الكامل لكافيه قراف
من افضل الكافيهات في الخفجي ، يوفر الكوفي افطار مميز ويوجد لديهم افخم انواع الحلويات الخاصه بالكوفي،،،، بالاضافه الى وجود قسم للعوائل وكذالك جلسات خارجيه .. ملاحظه، يوجد خدمه مميزه في هذا الكوفي وهي توفير الشحن للجوالات بجميع انواعها.. مايعيب الكوفي هو السماح بالتدخين وهو مزعج لغير المدخنين ، نتمنى من الاداره منع التدخين بالداخل خصوصا ان فيه جلسات خارجيه يقدر يجلس فيها المدخنين..
تقرير متابع :
جميل الكوفي الموقع ونتسيق الديكور وترتيب /بخصوص القهوه عندهم جميله “الكرتادو” اجمل شي وسعره مقبل جداً جداً مكان هادي (شكراً)
التقرير الكامل لكافيه إيفل
مقهى جميل وذو اطلاله جميله وصغيره وممنوعه على الاطفال والأجمل الموسيقى غيرموجوده عندهم ويتمتع بطابع الفخامه ولكن القهوى اعطيها 5من10والاسعار بنسبه للقهوه ماتسوى والكوب صغير و60بل 100 حليب والحلى 8من10
تقرير متابع :
المكان راقي ونظيف واجواء هاديه وروقان استمتعت كثير بحكم انه جايه زياره للخفجي انبسطت انه فيها مطعم بهذا الترتيب والتنظيم طلباتنا كانت شوي بس اكرر التجربة ليش؟ لانه يستحق الاكل والجلسه والاجواء والخدمة واتوقع الاسعار ممتازه ( طلبنا تبوله ارمنيه، دينامت شريمب، طبق اتوقع اسمه خبز بريوش معاه ماشروم وصوص نكهة الباربكيو من الاخر لذيذ استمروا بنفس الجوده والاهتمام 👍🏻 وان شاء الله ارجع لكم بزياره اجرب قهوتهم قبل اسافر
التقرير الكامل لكافيه المخملية الذهبي
ممتاز جداً المحل الوحيد في الخفجي متوفر لديه دونات مشاءالله تبارك الرحمن قمه في التعامل وأكرم الضيف رغم صغر المحل الا انه راحه بال وديكورات مميزة
تقرير متابع :
جربت القهوة المقطره على آلة V60 وكانت جيدة وتحضير ممتاز، جربتها الآن بعد سنة من زيارتي للخفجي وما زال المقهى محافظ على الجودة..
التقرير الكامل لكافيه دونز
يجنننننن يجننننن وكل ميزانيتي فيه ولازم قبل لا سافر اخذ منهم حق الطريق 🤣 بس المكان صغير والجلسات محدوده لكن يعتبر افضل كافييه بالخفجي من ناحية جودة القهوه والباريستا يسوي الكورتادو وفلات وايت ع اصوله و v60 تفووووووز عندهم
تقرير متابع :
قهوة مختصة جمييله
شربت عندهم كورتادو ممتاز جداً👌
والكوكيز عندهم تحفه اللهم بارك
أنصح وبقوة
التقرير الكامل لكافيه بيور
ممتاز جدا ويتميز بقهوتهم الساخنه والبارده انصح بتجربته بالذات اطلب سبانش لاتيه قهوه ساخنه ممتازه جدا للي ما يحب القهوه الي فيها مراره عاليه وتقدر تطلبه نوع البن عندهم اثيوبي و برازيلي بس انا اشوف الاثيوبي افضل فالطعم والبارده برضو سبانش لاتيه وشكرا
تقرير متابع :
الكوفي هادي و رايق الباريستا لطيفين جداً طلبت سبانش لاتيه بارد لذيذ وطعم القهوه قوي والحلى موزون لما رجع طفلي المنيو لهم حط له حليب و كارميل وثلج وقدمه له
الاماكن المحترمه اهم شيء عندها الزبون مثل هذا الكوفي 👍🏻👍🏻
التقرير الكامل لكافيه مارفل
المكان جميل التفاصيل لطيفة الاضاءة في الصباح ممتازة جدا القهوة ( قهوة اليوم ) كولومبيا رائعة الاسعار عادية الجلسة مريحة بشكل عام بس الاغاني مبالغ فيها ازعاج المكان اجمل بدونها
تقرير متابع :
قهوتهم حلوه ممكن ارجع اجربها الفلات وايت و السبانش لاتيه و الحلا الاكلير و الدونت الزعتر حلوه ، مكانهم حلو بس للاسف فيه فئه من الشباب تخليني اتراجع ادخل اذا كان زحمه و هالشيء بسبب اللي يرتادونه مو بس الكوفي
التقرير الكامل لكافيه هش
كافية غني عن التعريف قبل شهر تقريباً كان العوائل قسم خاص و الشباب قسم منفصل ،الحين صار مفتوح للجميع وين ما تبي اجلس بس بأحترام
تقرير متابع :
قهوة ستار بكس العالميه .. مهما طغت القهاوي المختصه ماتوصل مستوى ثباته .. مكان رايق وجميل ومعتنى فيه كعادته
التقرير الكامل لكافيه ستاربكس
المكان كا موقع ممتاز جداً والشراحه داخل المحل كذلك ممتازه ولكن السلبيات اللي فيه صوت الموسيقى و القهوة ليست بالحراره المطلوبه قدمت لي دافئة وبالنسبه للحلى تعتبر جميله ولكن التشيز كيك ان كسرت معي الملعقه 😅 و من السلبيات ايضاً ( اذا كانت معك عائلتك لازم تمر على قسم العزاب علشان تطلع الدور الثاني ) الكوفي بشكل عام جميل ولكن نطمح للافضل وماكتبت هذا التعليق إلا علشان نرتقي بمديتنا الخفجي ..
تقرير متابع :
المكان شرح وهادئ وكبير يعتبر اكبر كافيه بالخفجي
القهوة مضبوطه الفلات وايت لذيذ ١٠ من١٠👏🏼.
السويت عادي ٥ من ١٠ .
بالنهار رااايق جداً🤍🤍🤍.
التقرير الكامل لكافيه فاموس
اكثر من سنه تقريباً وانا شبه يومي امر عليهم الكودرد ممتاز وموزون والزعفران بطل والسبانيش والدونات حكايه ثانيه فعلاً شغل ممتاز ويشكرون عليه
تقرير متابع :
كافيه ممتاز جدا وقهوتهم ممتازه جدا يستحق التجربه ، بالذات اطلب سبانيش لاتيه ساخنه ، جيده واسعارهم جدا مناسبه وشكرا
التقرير الكامل لكافيه نقطة الوصول
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
