إذا تبحث عن افضل مطاعم غداء في الاحساء فهنا جمعنا لك أفضل خياراتنا اللي ننصح بها زوار موقعنا الكرام، المطاعم في القائمة مجربة، ولكم اراء الزوار عنها
الباستا عجيبه وشوربة الفطر فنانه والستيك مافي مثله المطعم الوحيد اللي تطلب منهم ستيك وانت متطمن الطعم يستاهل كثير مطاعم جربت ستيكاتهم ✖️ حلو ان الطعم عندهم مضمون ولذيذ
تقرير متابع :
مايميز هذا المطعم هو ثبات الطعم تقريبا في كل الفروع ، الاكل الامريكي شهي ولكنه دسم نوعا ما ، انصح بعدم الاكثار من الطلبات لأن طعام الواحد يكفي الاثنين ،،
للمزيد عن مطعم فرايديز إضغط هنا
المطعم نظيف ومرتب. من المطاعم القديمة في المنطقة لكن جدد الديكور. قسم العوائل غرف خاصة ومساحتها ممتازة. الخدمة عادية جدا. لازم تقوم تطلب وتدفع وترجع. ماكان فيه زحمة والاكل وصل بسرعة. جودته عادية جدا والطعم عادي. وهذا الشي متوقع بالنسبة للأسعار الغير مرتفعة. توقعت الاكل افضل شوي لكنه لا بأس فيه.المقبلات الساخنة ماكانت مرتبة في الصحن والورق عنب متشقق (الصورة مرفقة) المنيو كبير ومتنوع وفيه اسيوي وهندي وبحري. بشكل عام تجربة عادية وانصح فيه للعائلة الكبيرة. ملاحظة: كتيب المنيو من المفترض تغييره حيث اللي صار عندنا فيه كتابات وورق مشقق.
تقرير متابع :
مطعم من ناحيه الشكل من داخل جميل و راقي من ناحية الأكل نظيف و لذيذ و لا غلطه والبيتزا حقتهم تشبع الواحد و لكن بيكون أفضل إذا حطوا فيها صلصلة البيتزا لأنها أشوي جافه و عصيرهم خاصه المانجا لذيذ و لكنهم ما يثبتون مره يكون ثقيل حيلل فيثقل على المعده ومره يكون مخفف بالماء و مشكلتهم مافيه دورة مياه و أنتوا بكرامه في الدور الأول مافيه إلا مغاسل لازم تصعد فوق و تشوف دورات المياه و أسعارهم مناسبه للكل ليس مبالغ فيها و من الاطعمه اللذيذه غير البيتزا الرز الخاص فيهم باللحم و الروبيان و المشاوي خاصه الكباب
للمزيد عن مطعم لوزانا إضغط هنا
ممتاز نظيف صحونه كبيرة ما شاء الله قسم العوائل فيه غرف مفصولة انصح به وبقوة
تقرير متابع :
من اقدم المطاعم بالاحساء لكن صامد ويعتبر جيد وفي تقدم بالنسبه لغيره اسعارهم جيده الخدمه ممتازه الطلب كان ٢ اطباق مروش كبير يحتوي ع ريش وسمان وكباب لحم ودجاج وشيش طاووق واوصال لحم بالاضافه الى روبيان مقلي ومشوي ومقبلات حُمُّص وتبوله وبابا غنوج تقييمي للمطعم ١٠/٩
للمزيد عن مطعم مروش إضغط هنا
المطعم غني عن التعريف الاكل جدا لذيذ خصوصا الكوردن بلو كميته مرا راهيه يستاهل سعره والعصير فرش كأنه معصور بالبيت حبيته بس انا من الناس الي يحبون بارتشن والجلسات كانت قريبه من بعض هذا الي ما عجبني اما الخدمه ماعليها كلام
تقرير متابع :
هذه الزيارة الثانية للمطعم ، المطعم راقي جدا ونظيف الطاولات جميلة والمنظر جميل خصوصا في النهار بسبب دخول ضوء الشمس ، المنيو منوع والأسعار مرتفعة نوعًا ما ، الأكل لذيذ جدا جدا جدا بس دسم 😂 عشان كذا عطيته ٤ نجوم ، الخدمة سريعة التقييم النهائي ٨ من ١٠
للمزيد عن مطعم لاتافولا إضغط هنا
المطعم متميز بمدينة الأحساء دايماً مزدحم نهار ومساء الأكل الهندي من الذ الموجود بالاحساء نظيف وديكوره من الطابع الهندي الجميل من سنوات وهو محافظ على نفس مستواه المتميز البرياني لذيذ والتكا مسالا لذيذة اسعاره متوسطة بصفة عامة جميع اطباقه لذيذة خبزالنان بالثوم والجبن لا يعلى عليه
تقرير متابع :
مطعم بهارات من المطاعم المفضلة والخيار الأول لدي ولدى العائلة ، مؤخراً تم افتتاح القسم المفتوح ليضيف جمال وروعة لباقي الأقسام فلدى العائلة الخيار في الغرف المغلقة أو المفتوحة ، ويتميز المطعم بشكل كامل بالنظافة ولذة الأكل وسرعة إنجاز الطلبات بالإضافة الى التعامل الراقي والجميل من كُل ستاف المطعم ، ولايفوتني ان اشيد باهتمام ادارة المطعم بتطبيق الإحترازات والنظافة في كل مرافق واقسام المطعم في هذا الوقت وانتشار فيروس كورونا .
للمزيد عن مطعم بهارات الهندي إضغط هنا
السلام عليكم ورحمة اللة وبركاته المطعم اليم جداً يهتمون بأدق التفاصيل البرجر شي جميل جدا غالي سعرة بس يستاهل من تتذوق الاكل تقول في خاطرك فعلا يستاهل كل ريال دفعته انصح فيه وبشددده ولي زيارات قادمه بإذن الله لانه راح يكون خياري الوحيد للستيك والبرجر
تقرير متابع :
مطعم يجننن وراقي واطلق برجر اكلته عندهم .. طبعاً جربت برجر لحم بالمشروم يجنن ولذيذ والعاملين فيه خلوقين ومبتسمين وسريعين بالخدمه زرته اكثر من مره الاكل لذيذ😩طبعاً نسيت اصور من الحماس
للمزيد عن مطعم تندرلوين إضغط هنا
جميل راقي مرتب والطعام لاباس السمك المشوي ٨من ١٠ الشوربات توم يم بعيده كل البعد عن الاسم بس شوربه حقت المطعم الماكولات البحريه فيها طعم ليمون ولا غلطه اعطيها ٨من ١٠ برضو بس. للامانه النظافه ١٠٠ /١٠٠ السرعه في الطلب كذلكً١٠/١٠
تقرير متابع :
مطعم المحار من افضل المطاعم البحرية بالاحساء وقديم جداً وتم تجديده في وقت قريب . من ناحية التجربة ، طبعاً في هذهِ الايام إجازة ودائماً مزدحم ولكن الترتيب في الزحمه لم يكن بالشكل المطلوب بحيث عند حضوري كان هناك ازدحام في قسم العوائل واعطاني رقم للانتظار ولكن عند الانتظار ،، ذهبت للاعلى في قسم vip في الدور الثاني ووجدت قاعة كاملة لا يوجد فيها احد ولم تستغل في الزحام . من ناحية السعر مرتفع نوعاً ما ، الخدمة جيده على الرغم من الزحام ، واعداد الطلب سريع اخذنا تقريباً من 20 الى 25 دقيقه ، وللامانه كان الاكل لذيذ يستحق التجربة والزيارة مرة اخرى .. -يوجد مصعد لاصحاب الهمم، ولكبار السن .
للمزيد عن مطعم المحار للمأكولات البحرية إضغط هنا
ممتاز جدا من حيث الديكور والموقع والأكل ما شاء الله جيد طبعا أنا جيت فطور ما جربت الغدا أو العشاء. الموظفين بشوشين ومبتسمين ومرحبين بالضيوف. سرعة احضار الطعام جدا ممتازة وسريعة. ولو سألني أحد بتعيد التجربة جوابي هو نعم راح أجرب غداهم وعشاهم.
تقرير متابع :
المطعم متميز في اكله قمنا بطلب برياني دجاج وكبسة لحم حساوية وجريش وصحن مقبلات ١ فتة باذنجان ١ سلطة شرق ١ متبل الشيوخ وزبادي اضافي وكان المبلغ ٢٨٢ يعب على المطعم الزحام والانتظار لفترة كما انك لاتجد مواقف في المجمع لكثرة المقاهي والمطاعم عموماً تجربة تستحق العودة
للمزيد عن مطعم شرق إضغط هنا
مطعم ياباني مميز جداً، ديكورات المكان جميلة وأكثر ما يميزه هو الجلسة التقليدية اليابانية (الأرضية). قائمة الطعام متنوعة والموظفين لطيفين جداً.
تقرير متابع :
• جربت عندهم نوعين من السوشي وهم: الفولكينو وكان لذيذ لكنه مليئ بالصوص والكرنش. التيمبورا وكان جيد إلى حدٍ ما. • موهيتو التوت كان مميز جداً وانصح بتجربته. • جربت أيضاً النودلز الصيني بالدجاج وكان لذيذ جداً ومميز. الكامبنج كيكاب مينس لذيذ وقد يكون مناسب مع طبق رز أبيض جانبي. الكالاماري لم يكن جيد، ملوحته عالية وغير مقرمش بالحد المرغوب فيه.
للمزيد عن مطعم اوجو إضغط هنا
جربنا كريسبي تشارجر السبايسي والعادي ..مع اضافة جبن شيدر ..لذييييييييذ ويشبع … الخدمه ممتازه… المكان مرتب ونظيف والديكور بسيط… يوجد قسم خاص بالعوايل… يوجد عروض لبرغر فيول على حسابهم بالانستقرام
تقرير متابع :
وجبات برغر متنوعة لحم و.دجاج مقلي و مشوي مع خبزهم الطري 👌. الجلسة بسيطة لكنها مرتبة و نظيفة. تعامل العاملين جيد و الخدمة سريعة. جربت وجبة ( جت هينجين) و كانت لذيذة و الصوص مضبوط 👍. يعيب المحل ارتفاع اسعار البرغر لكن الجيد انهم يقدموا عروض بشكل دوري
للمزيد عن مطعم برغر فيول إضغط هنا
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
