إذا تبحث عن افضل مطاعم طريق الجبيل فهنا جمعنا لك أفضل خياراتنا اللي ننصح بها زوار موقعنا الكرام، المطاعم في القائمة مجربة، ولكم اراء الزوار عنها
مبدع لعشاق الرز . خفيف وجميل الرز الاحمر والاصفر . والطحينيه بطله.. حتى الفيليه ممتاز. تشكيلة السلطات حلوه واسعاره حلوه ..مطعم يستاهل .
تقرير متابع :
من أفضل المطاعم كنظافة و اعتناء بتحضير الوجبات.. وجبات السمك و اللحم و الدجاج . الايدامات و الشواية كلها لذيذة و لديه كبسة و دجاج و سمك بالفرن و تنوع في الرز و المعكرونة و يتميز بعروض جديدة للوجبات بأسعار مناسبة.. ينقصه فقط خدمة التوصيل و تكبير حجم الدجاجة
التقرير الكامل لمطعم بيت الشواية
الجبيل اكلات شعبية متنوعه وطعمها رائع زرته أكثر من مره وسأزوره كلما سنحت لي الفرصة
تقرير متابع :
تعاملهم ممتاز ويجهزون طلبك بمجرد انك تتصل عليهم بالليل تجي الصباح تحصل طلبك جاهز والحلو فيهم يفتحون من بعد صلاة الفجر. ممتاز جدإ اكل نضيف اكلات متعدده سرعه نضافه اسعار ارخص من غيره ازوره الصاج بستمرار بصراحة انا من سكان الغربية و اول مرة اكل كبدة لذيذذذذذ جدا و حتى ملوحة ممتاز تجربة رائعة انصح لعشاق كبدة انكم تجربوا ما تندموا
التقرير الكامل لمطعم الصاج الشعبي
اجمل مافي المطبخ اليمني نكهاته ومذاقه الخاص وطريقه طهيه مما خلق انطباع جميل حول المائدة اليمنية،،.. رشه بسيطة من الكراث والبصل الاخضر على اغلب مأكولاته هي الاجمل هنا .. الاسعار ممتازة لانها منخفضه والتعامل وسرعة تجهيز الطلب يشكرون عليها، جلسات ارضيه بالمحل بسيطه والمحل ايضا بسيط ونظيف .. الله يوفقهم،،
تقرير متابع :
العاملين في المطعم اشخاص طيبين تعاملهم راقي جدا والعم ابو سعيد قلبه مرحه الله يسعدهم ويرزقهم ربي مطعم ممتاز
التقرير الكامل لمطعم عرش سبأ
الاكل ممتاز جدا .ونادرا اذا لقيت موقف لانتظار الطلب طلباتهم لتأخذ من15 إلى 20 دقيقة للتجهيز فالأفضل تطلب توصيل
تقرير متابع :
يأتيك اشتياق بشكل مفاجئ لألذ بروستد بالدمام ومازال محافظ على جودة الطعام وتنوع البروستد بين الدجاج والسمك بطعم رائع وأشكر الشاب التركي منذ عرفته من سنوات طويلة ويتميز بأخلاقه النبيله العالية يستحق تكرار الزيارة مع العلم نتكلم عن مطعم ماشاءالله له ٤٠ سنة.
التقرير الكامل لمطعم البطة المرحة
بدون مبالغة لذييذ جداً ومقرمش انا جربت وجبة بيق ميل شيء خرافي ماشاءالله والصور تحكي واسعارهم جداً معقولة
تقرير متابع :
من ناحية الطعام فهو مميز ولذيذ، الأسعار متوسطة، يحتاج إلى كاشير من اهل البلد لسرعة فهم الزبائن والتعامل معهم، العيب الوحيد في المحل هو التأخر في إنجاز الطلبات حتى لو كان المطعم قليل الزبائن وعدم تنظيف الطاولات اول بأول، يجب وضع خطة من صاحب المحل لتنفيذ طلبات الزبائن بأسرع وجه اما الوضع الحالي فهو مخيب للآمال، اتمنى اخذ الملاحظات بعين الاعتبار وشكرا
التقرير الكامل لمطعم كرسبي ميل
مطعم جميل ومرتب هدوء اكلات جميله العاملين فيه قمة الاخلاق والاحترام اشكر الاخ مهيب وجميع العاملين
تقرير متابع :
عندهم معصوب و عريكه و الخ الطعم جيد جدا الفلافل يبيلهم يصغرونها شوي و يطبخونها قليل لان احيان تجي محروقه ( راءي الشخصي ) لا تاخذه على محمل الجد قد تناسبك انت ، بشكل عام المطعم جيد جدا جدا. مطعم شعبي طيب والعماله فيه كويسين والكبده حقتهم طازجه والعريكه والحسه طيبه وعندهم توصيل
التقرير الكامل لمطعم تنور اليمن
مريت بالصدفه للمحل بحكم اني لست من سكان المنطقه بصراحه معجنات لذيذه ومتنوعه العجينه قطنه وخفيفه ولذيذه حشوات متنوعه وراهيه وصوصات طعمه كان الطلب بيتزا وبوكس شاورما وبوكس فطائر مشكله (فلافل ،أجبان ،شاورما ،وفيه حشوة اجبان مع الزيتون سبايسي) كان عندهم عرض تاخذ بوكس والثاني بنص السعر مع العلم الكميه راااااهيه بالبوكس ❌‼️موقع المحل ظالمه في زاويه داخل مجمع ابدا مو واضح
تقرير متابع :
يقدم تشكيلة مميزة من المعجنات والفطائر بحشوات متنوعة ولذيذة .. يوجد لديهم شاي وعصيرات طبيعية.. يعتبر أحد أفضل محلات المعجنات بالمنطقه الشرقية.. ملاحظة : قسم العوائل غير منظم والجلسات صغيرة و المدخل ملئ بالنفايات… أنصح بالتيك أواي “سفري”..
التقرير الكامل لمطعم معجنات مرام
نفس المستوى ماتغير ويعتبر من أفضل مطاعم البخاري بالجبيل
تقرير متابع :
من مطاعم البخاري المميزه وعندي قناعه ان الرقابه المفروضه من الهيئه الملكيه في الجبيل ع المطاعم لها دور كبير في المظهر الي نشوف فيه مطاعم الجبيل المطعم محترم وجيد والعمال في غاية الادب ..ولاكن شي ماهو صحي ولا يجب حتي ان يقدم للزباين ..المسقعة اولا لونها اسود غامق جدا وليست طازجة ..وهذا لا يقلل من انه مطعم جيد
التقرير الكامل لمطعم اصداف الخليج
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
