إذا تبحث عن افضل مطاعم الاحساء الهفوف فهنا جمعنا لك أفضل خياراتنا اللي ننصح بها زوار موقعنا الكرام، المطاعم في القائمة مجربة، ولكم اراء الزوار عنها
مطعم قمه في الاحترافيه بالاستقبال والتقديم ولذاذة الاكل شوربة الدجاج البيضا لذيييييذه والمشويات اوصال لحم كانت قمه شي من الاخر ماقد ذقت نفس طعمها عصير كوكتيل لذيذ والكميه كبيييره يكفي شخصين الفيتوتشيني بالفطر لذييييييذه خياليه والبروستد دجاج طعم لذيذ ونظافه وكميه وفيييره للاسف ماصورنا من لذاذة الاكل
تقرير متابع :
للأمانة توباز سابقا رقم 1 بالنسبه لي لكن حاليا يفتقد لاشياء كثيرة عشان يرجع زي ماعرفناه طلبنا كالتالي : 1/ سلطه الشيف 5/10 سعرها 26 ريال 2/ حمص 9/10 سعره 14 ريال 3/ ديناميت روبيان 6/10 سعره 46 ريال 4/ دجاج بالزبده 8/10 سعره 43 ريال 5/ برياني ساده 2/10 سعره 27 ريال 6/ فوتشيني الفريدو 0/10 سعره 60 ريال 7/ سعودي شمبين 7/10 سعره 21 ريال السعر مبالغ فيه في بعض الاطباق وبعض الاطباق سعرها ممتاز والجوده بشكل عام افتقدها هذا المطعم العريق والجميل سابقا وان شاء الله يرجع كما كان وأفضل
للمزيد عن مطعم توباز إضغط هنا
هذا المطعم تحت اشراف سعوديون ويحرصون على ان يكون اللحوم طازجة وكذلك الدواجن ونضيف واكلهم لذيذ الاكل لذيذ ومستوى الأسعار جيد وكذلك الموقع مستوى النظافة عالي الديكورات جميلة داخل المطعم والطلبات لا تتأخر
⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀
تقرير متابع :
طعم الصراحة انصدمت منه ع انه موجود في حي قديم و عدم رأيت شكله الجذاب لكن من أفخم المطاعم إلي جربتها ويمكن الأفضل. خدمة عائلات ممتازه واكل جدا لذيذ وانصحكم بالبيتزا جبارة و طبعا في غرف تكفي للعدد كبير 8 أشخاص تقريبا وسعره مناسب لكن العصائر احيانا تأتيك حاره
للمزيد عن مطعم المضيف إضغط هنا
موقع هاديء بسراحة المطعم نظيف جدا يقدم الاكلات البحريه مشوي ومقلي .يوجد مكان مخصص للعائلات مرتب ونظيف..ويقدم الطلبات بسرعه مقبوله
تقرير متابع :
مطعم المحار من افضل المطاعم البحرية بالاحساء وقديم جداً وتم تجديده في وقت قريب . من ناحية التجربة ، طبعاً في هذهِ الايام إجازة ودائماً مزدحم ولكن الترتيب في الزحمه لم يكن بالشكل المطلوب بحيث عند حضوري كان هناك ازدحام في قسم العوائل واعطاني رقم للانتظار ولكن عند الانتظار ،، ذهبت للاعلى في قسم vip في الدور الثاني ووجدت قاعة كاملة لا يوجد فيها احد ولم تستغل في الزحام . من ناحية السعر مرتفع نوعاً ما ، الخدمة جيده على الرغم من الزحام ، واعداد الطلب سريع اخذنا تقريباً من 20 الى 25 دقيقه ، وللامانه كان الاكل لذيذ يستحق التجربة والزيارة مرة اخرى .. -يوجد مصعد لاصحاب الهمم، ولكبار السن .
للمزيد عن مطعم المحار للمأكولات البحرية إضغط هنا
مطعم مميز .. جلسات العوائل مرتبة ونظيفة وأنيقة✨ اعجبني جدا جدا صوت العصافير والماء الهادي (تميز بعدم وجود موسيقى فالمطعم) وهالشي أثر على نفسية الزباين وتفاعلهم بداخل الجلسات وخلاهم أكثر هدوء (حتى ازعاج اطفال مافيه!!) . اما بالنسبة للطعم فهو لذيذ جدا، طلبت مشكل مشاوي مع مقبلات باردة وكبة باللبن و طوشكة -انصحكم تجربونها🤤-
تقرير متابع :
للأمانة من اشد المعجبين بهذا المطعم في اكله وتنوعه ونظافة المكان وتميزه دايما يتحفنا بالجديد من اصنافه ونوعها يمتاز بالمشاوي وأنواع المقبلات وكذلك الأرز يتميز بسرعة الخدمة ولذة الاكل يوجد لديه خدمة التوصيل ويوجد لدية قسم للعوائل الغرف جدا راقية واسعة لحومه طازجة انصحكم بزيارته وعلى مسؤليتي واتمنى لكم عشاء مميز وجلسة ممتعة
للمزيد عن مطعم سنجار العراقي إضغط هنا
المطعم رايق وهادي الديكور كلاسيكي الأكل لذيذ حبيت طريقة تقديم الأطباق الأسعار من متوسطة لمرتفعة انصح بلازانيا الدجاج لذيذة جداً والهامور بالفرن
تقرير متابع :
محل اسماك و ما تشم فيه زفره.طلبنا سوبريم دفتر مشوي كان طازج لذيذ،شوربة التوم يم سبايسي شوياات لكن طعمه.الدينمايت لم يكن مقرمش و مغرق صلصه،المشاوي الارمنيه شيش طاووق اطعم شي بالطبق.المكان جلساته عاديه . ادوات الاكل ما كانت مغلفه للاسف،الاسعار مناسبه يستاهل الزياره
للمزيد عن مطعم الكيت إضغط هنا
تكلمت عنه من قبل ب كذا بوست يعتبر واحد من افضل مطاعم بالاحساء ب وجهة نظري 🤚🏻 شغله بروفشنال، و طاقم المطعم كان تحت اشراف شيف امريكي 👨🏻🍳، مسويين منيو مصغر اسعاره حيل مناسبه .
تقرير متابع :
مطعم يجننن وراقي واطلق برجر اكلته عندهم .. طبعاً جربت برجر لحم بالمشروم يجنن ولذيذ والعاملين فيه خلوقين ومبتسمين وسريعين بالخدمه زرته اكثر من مره الاكل لذيذ😩طبعاً نسيت اصور من الحماس
للمزيد عن مطعم تندرلوين إضغط هنا
المطعم متميز بمدينة الأحساء دايماً مزدحم نهار ومساء الأكل الهندي من الذ الموجود بالاحساء نظيف وديكوره من الطابع الهندي الجميل من سنوات وهو محافظ على نفس مستواه المتميز البرياني لذيذ والتكا مسالا لذيذة اسعاره متوسطة بصفة عامة جميع اطباقه لذيذة خبزالنان بالثوم والجبن لا يعلى عليه
تقرير متابع :
مطعم بهارات من المطاعم المفضلة والخيار الأول لدي ولدى العائلة ، مؤخراً تم افتتاح القسم المفتوح ليضيف جمال وروعة لباقي الأقسام فلدى العائلة الخيار في الغرف المغلقة أو المفتوحة ، ويتميز المطعم بشكل كامل بالنظافة ولذة الأكل وسرعة إنجاز الطلبات بالإضافة الى التعامل الراقي والجميل من كُل ستاف المطعم ، ولايفوتني ان اشيد باهتمام ادارة المطعم بتطبيق الإحترازات والنظافة في كل مرافق واقسام المطعم في هذا الوقت وانتشار فيروس كورونا .
للمزيد عن مطعم بهارات الهندي إضغط هنا
مطعم جميل وهادئ نظيف اكلهم جدا لذيذ بعض الاطباق تحتاج اضافه الملح لكن بشكل عام يعتبر من افضل ٥ مطاعم في الاحساء
تقرير متابع :
المكان: جميل ونظيف ويجمع بين الحديث والطابع المحلي. والجلسات مريحه. الخدمة: المضيف غير متوفر ويصعب التفاهم معه. الاكل: لذيذ جدا جدا. الطلبات: صحن حمص الصيف بثلاث نكهات الاصلية والفستق (الذ واحد) والفراولة. سمبوسه مشكلة دجاج مشوي طري ولذيذ جريش حساوي الذ شي. مرقة باميه لذيذه جدا جدا ورجل خروف مع الارز اعتقد اية شخص يزور الاحساء يجب ان ياتي لهذا المطعم
للمزيد عن مطعم دار بسمة إضغط هنا
اكلات راقية أماكن الجلوس ذات طابع رومنسي مشروبات عالمية ساخنة وباردة
تقرير متابع :
اليوم كان العشا برعاية اموري طبعاً رحنا المطعم بدون حجز خلونا ننتظر 5دقائق وبعدها دخلونا المطعم هادي جداً والاضاءة خافته يعني رومانسي هذا الجو العام بالنسبه للاكل طلبنا سلطة الشيف وهذا الطبق اعطيه 5من5 بصراحة من اللذ السلطات اللي ذقتها الصوص بطل بطل بطل لدرجة ماباقي في الصحن الا الصوص من لذتها وبعدها طلبنا سالمون بصوص البرتقال وكان لذيذ مكس من حالي ومالح ومتوازن للي يحب الحالي والمالح في نفس الوقت وبعدها طلبنا باستا بالاحبان الاربعة وكانت برضو بطلة ولذيذة حدها بس مالح شوي مو كثير وبالنسبه للاسعار كان السعر مناسب كثير يعني مو غالي ولا رخيص وسط وبس هذا كان عشانا في مطعم اموري انصحكم فيه واطلبو الاطباق اللي تحبونها اذا انتوا مو من عوا تجربة الاكل وشكراً مطعم اموري على الاكل والخدمة
للمزيد عن مطعم أموري إضغط هنا
ممتاز نظيف صحونه كبيرة ما شاء الله قسم العوائل فيه غرف مفصولة انصح به وبقوة
تقرير متابع :
اكلت فيه مرتين المطعم ممتاز وتعامل الموظفين جداً ممتاز في قسم العوائل وخاصتاً المصري الي بقسم العوائل ترحيبه واستقباله وتعامل ممتاز..بالنسبه لمطاعم الاحساء يعتبر عندي هو الاول بما اني جاي من الرياض جديد
للمزيد عن مطعم مروش إضغط هنا
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
