افضل فنادق الخبر للعرسان ( المميزات + المرافق + الخدمات )

اذا كنت تبحث عن افضل فنادق الخبر للعرسان الموصى بها فهنا تجد دليل كامل لتوصياتنا الخاصة بأفضل خيارات الإقامة التي نرشحها لزوار موقعنا

افضل فنادق الخبر للعرسان

1.فندق و منتجع بريرا العزيزيه من افضل فنادق الخبر للعرسان

مميزات الفندق:

• اقمت ليلتين من اجمل الاقامات اللي قضيتها ما شاء الله تبارك الله .. منتجع هاديء وراقي وجميل جدًا اعجز عن وصفه بصراحة .. بالمصطلح العامي “حق استكناه” .. كذلك تعاملهم رائع جدًا جدًا .. والاخت ميساء متميزة جدًا في تعاملها وخدمتها، حتى اسلوبها فريد وراقي جدا الله يجزاها خير .. استمتعنا جدًافي الاقامة.
• اتكلم عن البدايه من الدخول للاستقبال شي جدا جميل وصوره رائعه للمكان بتعامل الاخوان مشاري والبندري وفريق العمل ككل رائع صحيح عدد العاب الاطفال قليل بحكم ضيق المساحه لكن يستحق المكان الزياره وممتع للاطفال في الليل بإمكانك تجيب معك فحمك او حطبك ومشاويك وتطلب منهم منقد بدون رسوم وتشوي . فيه فعليات في البحر لنش سريع لمدة ربع ساعه نسيت السعر بس فوق ال200 ريال وايضا الدونات الي يسحبها اللنش ب150 تقريبا للنفر خلال ربع ساعه كذلك. تجربه حلوه شعورك داخل المنتجع شعورك وانت في رحلة في آسيا ابدعوا الموظفين والتصميم في خلق هالشعور لك .

2.فندق جولدن بوجاري – الخبر ضمن افخم فنادق الخبر للعرسان

مميزات الفندق:

• بصراحه مرررره المطعم جميل وأكلهم اتعب وانا اقول لذيذ 🤤🤤 زعلت ان اليوم العشا ماكان ذبيحه كان باييلا بحري.. بس لما ذقتها مت عليها تجنن لذيييذه بشكل ربي يبارك لاصحاب المكان ويسعدهم مررره اكل لذيذ وخدمة رائعه وأسعار خياليه بطله ♥️🌷♥️
• جربت الافطار لديهم حقيقه جميل جدا والاطباق لذيذه وكثيره ومتنوعه وسعر الفرد والاطفال من 12 وفوق 39 ريال والاطفال من 11ونص واقل الى 6بنصف السعر والاقل مجانا تعامل جميل وخدمه ممتازع يوجد جلسات خارجيه وداخليه وجلسات مغلقه
• فندق جولدن بوجاري💙 لمن يبحث عن الهدوء والاستمتاع والأكل اللذيذ والسعر المنافس يختار هذا الفندق.. 📌فريق العمل : الاستاذ /محمد العربي 🌹 الاستاذ / مازن مصطفى 🌹 تعامل راقي جدا ابتسامة رائعة حسن الحديث أخلاقه جميله مع فن التعامل مع الاخرين.. البوفيه المفتوح متنوع وشامل يرضي جميع الاذواق .. تنوع في المقبلات و الحلويات المميزة والتنسيق الجميل.. الاطباق الرئيسيه الغداء ذبيحة مع مشاوي الطازجه والبرياني و الاسماك و الكشري الخطير و العصيرات الطازجه رمان + ليمون بالنعناع.. وغيرها الكثير الكثير للامانه مستوى المأكولات ممتاز .. وجود القهوة العربية و الشاي اللذيذ يقدم ضيافه للجميع خدمة vip خدمة فاخرة.. حقيقه مكان يستحق إعادة الزيارة.. وفق الله الجميع لما يحب ويرضاه 🌹

3. فندق أسوار بوتيك من افضل الفنادق في الخبر للعرسان 

مميزات الفندق:

• الفندق جميل جداً الأسعار مناسبه الإستقبال سريع الموظفون لبقون اللوبي فخم وهادئ الاجنحه فخمه ونظيفه وفيها مطبخ صغير وثلاجه تحتوي مشروبات وحلويات يقدمون علبتين مياه مجاناً يستحق التجربه رحله سعيده.
• فندق رائع جدا وفخم انصح فيه للعرسان خصوصا فيه عوازل
• كانت اقامة رائعة في فندق اسوار خيار رائع لمن اراد قضاء بعض الوقت في الخبر موقع رائع سهولة الوصول الى الفندق ومنه الى اهم المناطق السياحية كل الشكر والتقدير لمدير الفندق الاستاذ محمد جلال على حسن التعامل والترحيب 🌹🌹🌹🌹

4.فندق الوفت الظهران من ارقي الفنادق في الخبر للعرسان 

مميزات الفندق:

• الفندق جميل جداً و مريح و مستوى الامان عالي ، اهتمام العمالة بتنظيف الغرف و سرعة تجاوب خدمة الغرف ، ولكن العيب عند الدخول انتظرنا مايقارب الساعة و موظفين الاستقبال 4 اشخاص جميعهم يخدمون قروب عمل على ما اعتقد !!!! و بقية النزلاء ينتظرون !! طلب زوجي التفاهم مع مدير الفندق لان التأخير غير معقول كانت المفاجأه ان كل موظفين الاستقبال مدراء !!! يتهربون من تواصلنا مع المدير !! ولكن مميزات الفندق شفعا لهذة النقطة لذلك كان تقييمي 5 من باب المصداقية في التقييم .
• الفندق رائع هاديء مريح والاسرة تجنن النظافة عاليه الاستقبال خدوم وسريع الافطار لذيذ ومتنوع الستف الي يشتغلون بالبوفيه خدومين بشوشين كله ع بعض الفندق جميل اعطيه ١٠/١٠ يستاهلون وبجدارة
• كانت أقامه ممتازه جدا.. فندق نضيف وشباب الإستقبال قمه في التعامل وكذلك ستاف المطعم.. موقع مميز وقريب من كل شي.. الملاحظة الوحيده هي اني في الغرفه وصلني رائحة تدخين وهذه ليست جيده ابدا لان المفروض ان التدخين غير مسموح به
• جميل وإقامة جميلة .. فطور ممتاز متكامل كان في الاستقبال الجميل ( فارس ) ممتن جداً لهذا الرجل 🌺❤️

5.فندق كمبينسكي العثمان الخبر من ارقى فنادق العرسان في الخبر 

مميزات الفندق:

• بارك الله فندق رائع بمعنى الكلمه ما اعرف اثني على المكان او الغرف او الموظفين او العاملين اختيار في قمة الروعه والاهتمام رغم اسعاره العاليه ولكن يقابلها تعامل يخجل فعلا بالذات موظف الاستقبال عبد الرحمن ما اعرف كيف اوصف اخلاقه وتعامله واهتمامه لم اقابل مثله في رقي أخلاقه رب يسعده بقدر الكون لو لم يكن في موظف غيره لاكتفى الفندق حبيييييته جدا هكذا اختيار الموظفين والا فلا
• فندق رووووعه قليله فيه 5 نجوم رغم ان خدمة الكوفي فيه ضعيفه وفيه تأخير كبير ولكن وسائل الراحه تنسيك كل شي حبيت الفندق بشكل كبير وراح اعتمده فندقي المفضل ..وفيه حريه كبيره وخصوصيه تامه الاسعار مرتفعه ولكن الفندق يستحقها بجداره .. موقع الفندق بطل جداً بين الدمام والخبر .. طبعاً خدمة الفاليت شي طبيعي متوفره يوقفون سيارتك وانت مرتاح اذا كنت عريس او عروسه او تحبون تدلعون نفسكم لاتطوف الفندق هذا.. طبعاً انا كنت مستأجر جناح
• افضل إقامة كانت لمدة ٣ ليالي ، تعامل راقي ، اللاونج للاسترخاء و الميني بار ممتع و لذيذ ، خدمة ممتازه و سريعة ، نظافة عالية و اشكر السيدة انفال على تعاملها و ترتيبها الامور ، كل الشكر

6. فندق الراشد رزيدنس من افضل فنادق العرسان في الخبر 

مميزات الفندق:

• جيد جداً ومريح ومواقف زينه بس فيه متاهات شوي لدرجة حسيت اني في شرم الشيخ فطورهم ممتاز على فكرة لطلب تنظيف الغرف لازم تجلس معهم لانهم غريبين ما ينظفون الا بوجودك يعني ماله داعي يحطون كروت طلب التنظيف ع الباب 🤣 واتمنى لكم طيب الاقامة
• اغذت غرفتين وصالة وسيعة مع مطبخ فيه فرن كهربائي ومكرويف واعداد الشاي ونظيفة وفيها غرفة غسيل وتنفع للشغالة وداخلها دورة مياه خاصة بلكونتين والشقق على شكل حرف U وداخلها المسبح فطورهم جيد الشقة شرحه ووسيعه واذا كانت شقتك بعيده عن اللوبي الله يعينك فالمشي شوي ومن اللوبي او من زاوية الشقق تقدر توصل للراشد مول المكيفات مركزية ممتازة وسرير ومخاد مريحه تلفزيون سمارت فيها قنوات كثيرة بعض الافياش ثنائية وغرفة النوم مافيه فيش عند السرير اذا لقيتها بسعر ممتاز بالنسبة لك ما راح تندم
• الراشد رزدنس من اجمل الأجنحة كـ نظافة ومساحة وخدمة .. فيها اجنحة غرفة وغرفتين وثلاث غرف .. وتعاملهم راقي وخاصة الشباب السعودي إبتداءً من الاستقبال الى الادارة .. شكراً لكم 🙏 واكيد لنا زيارة ثانية 💚

7. فندق هاي اند جاردنز الخبر 

مميزات الفندق:

• يجنن😍 الغرفه جميييله والسرير مريح جداااااا والاثاث مرييييح وجميل… الغرفه فيها مطبخ شامل كل اللي تحتاجه معالق صحون اكواب وميكروييف وتلاجه غلايه طبعا.. الحمام نظيف التكيف راااائع .. المكان بشكل عام هااادي ورايق ونظيف… موظفين الاستقبال بشوشين ومعاملتهم حلوه والعمال كذلك منتهى الاحترام والادب… الحمام مكنش فيه سيشوار بلغنا الاستقبال وفروه لنا… واخيراً الباركنج 👏 والسعر مناسب جداً بجد تجربه جميله واستمتعنا جدا فيه🥰
• ممتاز جداً – الموقع – نظيف – السعر – أعجبني العزل جدا جداً قوي – خدمة الغرف سريعة – تعامل موظف الإستقبال المصري مددت حجزي وأعطاني سعر أقل من أسعار الويكند وموقع بوكينج – المطبخ مكتمل من أواني ، مايكرويف ،غسالة ملابس أوتوماتيك – اللوبي رائع وهادئ يوجد كفي جلست به الصباح وقدمت درسي أونلاين ولا حسيت بأي مضايقات – الحجز أب قريد على جناح ملكي غرفتين وصالة ودورتين مياه إذا أعجبك تعليقي لاتنسى زر الإعجاب 👍🏻♥️ @sarab_najd
• مميزين جدا، من الاستقبال الرائع وحسن التعامل، مرورا بالخدمة المميزة ونظافة الأجنحة. وسع الشقق وتصميمها وأثاثها ميزة إضافية. واكيد القيمة مقابل المال. تعاملت معه وسكنت عندهم اكثر من عشر مرات ومازالو محافظين على نفس المستوى والخدمة المميزة والسعي لرضى العميل.

8.أجنحة أسوار الفندقية العليا

مميزات الفندق:

• فندق جميل ونظيف وسعره مناسب. شقه من غرفة كلفت ٢٥٠ ريال لليلة فيها مطبخ صغير مفتوح عصاله صغيرة وفيه غرفة نوم وتويلت ممتاز. مكيف رائع ونت سريع واستقبال ممتاز. تلفزيون مابه قنوات كثير. قريب من اماكن كثير مثل الراشد وكارفور والظهران مول والكورنيش. مواقف تحت الهوتل وجنبه. حوله مقاهي كثير.
• فندق رائع بكل تفاصيله. أشكر القائمين عليه وأسأل الله لهم التوفيق. يوجد ملاحظات بسيطة يجب ذكرها للأمانة: عزل الصوت بين الشقق ضعيف . مواقف السيارات ضيقة.
• روعه و استقبال راقي اشكر الاخ مسعود على حسن استقباله صراحه الفندق نضيف وسعره جميل يستحق التجربه .
• صراحة مكان جميل جدا ، والاثاث جديد وقمة بالنظافة ، دورات المياه معقمة ومختومة ونظيفة ، خالية تماما من الروائح المزعجة ، المبنى بالكامل فخم وانيق وهااادئ تماما ، العمال نظيفين جدا وتعاملهم محترم لابعد حد .. والاستقبال بعد احسن واحسن 👍🏻 الغرف تكييف مركزي بااارد .. الفندق يحتوي على كوفي ومطعم جيد، لا تتوفر خيارات كثيرة فيه لكن يفي بالغرض .. يوجد شاشة بالصالة تحتوي على قنوات ارضية ، وتوجد قناة خاصة بكاميرا مسلطة على غرفة ألعاب خاصة للاطفال بالدور الأرضي . السعر لليلة الواحدة يعتبر غالي شوي، اغلى من البوكنق بس يستاهل صراحة وتجربة تستاهل تنعاد.

9.فندق جراند ميرال

مميزات الفندق:

• اعتبره خيار ممتاز للسكن بمدينه الخبر مقابل بوابة 7 الراشد مول قريب من كل شيء الغرف نظيفة جداً طبعاً خيارنا كان شقة 3 غرف فعلاً مره نظيفة ومرتبه تستاهل القيمة صراحة والطاقم كلهم ودودين من حارس الامن والعمال والاستقبال صراحة كلهم يحبون يخدمون حتى لو شيء مو من واجبهم بس يحبون يخدمون الله يعطيهم العافيه جميعاً وان شاء الله وجهتي الرسميه بالخبر هذا الفندق
• فندق ممتاز جداً وقد اقممت فيه كذا مره صح ان الاثثاث قديم لاكن لا بأس افضل شي فيه الغرف وسيعه والصاله والمطبخ كبيره وحلوه وتفتح النفس وان شاء الله اني راح اكرر الزياره له مره ثانيه
• فندق رائع ونظيف مقابل الراشد مول يوجد به مواقف للسيارات ثلاث ادوار الغرفه مريحه والفرش مريح ونظيف النظافه ممتازه النت ما شاء الله سررريع المطبخ جميل وبه غساله ملابس اتوماتيك من اجمل الفنادق اللي سكنت فيها ان شاء الله لي رجعه أخرى وتجربه ممتازه

10.اسوار للاجنحة الفندقية 

مميزات الفندق:

• جميل والله، تحس بالاهتمام بنظافة المكان، والخدمة، الغرف مناسبة، نظيفة ومساحاتها ممتازة سعرها كويسه ودقيقة عن الراشد مول
• الموقع ممتاز والشقه شرحه ونظيفه ومرتبه والفطور عندهم لذيذ بس لو يحطون منيو له او بوفيه افضل لان تتكرر لاصناف اذا بتطول عندهم وتمل ومدته الئ ساعه ١١ فمره مريح الله يجزاهم خير ولطاقم فيه متعاون جدا جدا
• موقع جميل بالقرب من الراشد مول والظهران مول وايضا قريب جدا من منطقة ترك فود نظيف وخدمة واستقبال ممتازة افطار جيد علما بأنه غير منوع ولكن لذيذ
• سكنت في الشقق هذي خلال الاسبوع هذا غرفتين وصالة مدة ٣ ايام مميزاتها الشقق للامانة نظيفة وموقع قريب من الراشد لكن مو مقابلة مباشرة.. وسرير مريح ومساحتها مناسبة وتعامل العاملين ممتاز وضيفونا بقهوة وتمر وحتى يوم ما نظفو غرفتنا كلمتهم الليل بعد ما رجعت اقول لهم ليش ما نظفتو قال احنا اسفين وبنرسل لك قهوة وتمر ولا تزعل 😍 ٥ دقايق ارسلو ٥ عمال مع قهوة وشاهي كان حجزي بفطور ممتاااز ويرسلونه لك للغرفة صحن مقسم فيه فول وبيض مقلي ومسلوق وجبن وحلاو وحمص ولبنه وعسل 👍👍 وجود غرفة ثالثة صغيرة عند المدخل تنفع للشغالة وجود غسالة وميكرويف وغلاية ويوفرون كواية تلفزيون سمارت وتلفزيون اخر في الغرفة الرئيسية وفيه غرفة العاب الدور الارضي وممكن تشوف اطفالك بتلفزيون الغرفة عندك