الموقع الإلكتروني :للدخول إلى الموقع الإلكتروني للمطعم إضغط هنا
العنوان : الخبر – طريق العزيزية – مقابل مجمع الدانوب – جنب شاورما هليل
الموقع على خرائط جوجل : يمكنك معرفة موقع المطعم عبر خرائط جوجل من هنا
رقم الهاتف : 966536033388+
مطعم شريمبولوجي هو مطعم متخصص في الربيان بو كيسة 🦐🦞🍤 عندهم ربيان ومحار ولوبستر ، تقدرون تختارون من بين ٤ نكهات مختلفة اللي هي نكهة الكيجن ونكهة الفلفل واليمون ونكهة الزبدة بالثوم ونكهة الفيستا وهي خلطة ما بين الانواع الثانية .
.
.
فيه ثلاث احجام السنقل والدبل والعائلي والاسعار في الربيان ٣٥ و ٥٩ و ٨٩ للاحجام ، السنقل يجي معه قطعة ذرة وحدة والدبل ٢ والعائلي ٣ قطع، وعجبني ان حجم الربيان ممتاز والنكهات متنوعة ومتشبعة .
أفضل أطباق مطعم شريمبولوجي
جربت النكهات كلها ، كلها لذيذة ولكن اكثر شي اعجبني الكيجن والفلفل بالليمون مرة رهيبة .
.
جربنا التمبورا والربيان المقلي في المقبلات ، التمبورا مررررة خطير ولذيذ .
.
.
الاكل فيه كمية ثوم كثيرة يعني اللي ما يحب الثوم ما يصلح له .
.
.
المطعم ممتاز والكميات معقولة مقابل السعر والاكل لذيذ .
.
منيو أفضل أطباق مطعم شريمبولوجي :
آراء الزوار لمطعم شريمبولوجي :
التقرير الاول: مسا الغدا البحري الخفيف 🦞🦀🦐
.
.
👌🏼 غدانا الخفيف اليوم في شريمبولوجي 😍❤️ على طريق العزيزية بالخبر مقابل الدانوب وبجانب هليل .
.
يقدموا الروبيان ، القباقب ، اللوبستر والمحار واشياء كثيره متنوعه من مقبلات و سلطات ابرزها التورتيلا و شوربه و سندوتشات راب جربوا الداينمايت 👏🏼 الصوره تحكي 😭
.
.
حبيت ان عندهم بورشن لشخص واحد و أسعارهم جدا حلوه صورت المنيو وعندهم عروض للغدا بدء من يوم الأحد الخميس من ١م الى ٥م و يستقبلوا آلافراد و العائلات وعندهم مدخل لذوي الهمم
التقرير الثاني : الاكل جدا لذيذ ونظيف ويعتبر من أفضل المطاعم البحرية في الشرقية. الروبيان نكهة fiesta مرة لذيذة وحتى اللوبستر عندهم مرة لذيذ. الأسعار جدا ممتازة بالنسبة للأكل البحري ونفس الوقت الطعم رائع. ان شاء الله زيارتي الجاية راح أجرب روبيان التمبورا وشريمبولوجي راب لأن الكل يمدحه. أتمنى لكم التوفيق.
