مطعم كوشي باشي لمطعم توه فاتح في الخبر ومتخصص في المأكولات التركية اللذيذة من المشاوي والاسكندر وغيرها .. المطعم بشكل عام لذيذ اكله وجلساته حلوة بس ما شاء الله زحمه وفيه ازعاج .
.
.
..
خدمة الطاولة ..
مخللات مشكلة لذيذة جدا جدا لدرجة خلصتها قبل يجيني الطلبات الرئيسية .
.
.
حمص .. 20 ريال
الحمص عجبني وخلطته ممتازة ويستاهل يكون طبق دائم في اي روحه للمطعم .. الخبز الخاص حقهم مرة ممتاز وخفيف وما يحسسك بالغثه .. السعر مقارنة بالكمية يعتبر غالي جدا
التقييم .. 9/10
.
المطعم بشكل عام ممتاز وما يعيبه الا ان الخدمة كانت بطيئة
.
.
..
أجنحة دجاج مشوية .. 34 ريال
الأجنحة مشوية بطريقة رهيبة بدرجة استواء ممتازة ماهي ناشفة وبنفس الوقت متحمشة والتتبيلة لذيييييذة ولا فيه زفورة .. الطبق عجبني وكميته معقولة 7 قطع
التقييم .. 10/10
.
..
..
علي نازك .. 42 ريال
هذا بالنسبة لي الطبق الوحيد اللي ما عجبني .. اللحم كان ممتاز وطعمه حلو زي كل لحومهم ولكن الخلطة اللي تحته ما عجبتني وهي عبارة عن زبادي وباذنجان وثوم ممكن تكون افضل
التقييم .. 6/10
.
.
.
التقرير الاول :
الصراحه يجنن انا جربت عندهم الكباب اللحم فوق الخيال والحمص شيء من الاخرر اول مرا بحياتي اذوق حمص كذا حلو و فوقه لحم بس صراحه الاسعار شوي مبالغ فيها وعندهم صحن فيه مشويات ملفوفه بخبز كانها شاورما احلى شيء عندهم صراحه
التقرير الثاني :
مطعم ممتاز و اكل لذيذ و نظيف و خدمة مميزة.. اشكر الاخ حمادة على حسن الخدمة و بشاشته و لطفه و تعامله.. طبعا فرع الخبر
التقرير الثالث :
مطعم جدا جميل، والاكل جداً لذيذ، والاسعار مقبوله، الستاف مميز بذات محمود محمد 👌 شكراً🌹 اختيار موفق 👍
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
