مطعم ذا بانتري من المطاعم الجديدة نسبياً ، يقدم مأكولات متنوعة من ضمنها مأكولاتنا العربية ولكن بطريقة مبتكرة ، المطعم يعتبر ترند في الفترة الاخيرة وما شاء الله المكان دايم زحمة وانتظار ، المطعم فيه جلسات خارجية قليلة تصلح اذا تحسنت الاجواء .
المطعم كانت لي تجربة فيه وكانت طلباتنا كالتالي .
.
.
مسخن ،،،،،،،،، ٥٢ ريال
طبق دجاج مسخن رول غني بالدجاج والخلطة ، يقدم على طبقة من التغميسة اللي عبارة عن خلطة طحينة ، الطبق لذيذ وراهي والتغميسة لذيذة جداً ، كان افضل طبق جاني .
.
.
.
لحم كتف الحمل ،،،،،،،، ٨٢ ريال
لحمة كتف مطبوخه لفترة طويلة ، اللحمة ذايبة جداً ما تحتاج سكين لتقطيعها ، تقدم مع البطاطا الحلوة وطبقة من الفاصوليا البيضاء ، الطبق لذيذ .
.
.
.
دجاج كاتسو ،،،،،،،،، ٧٠ ريال
شريحة كبيرة من صدر الدجاج مغطاه بالبقسماط مقلية وتقدم مع نوعين من الصوصات ، الطبق ممتاز ولذيذ ولكن ماهو مميز .
.
.
.
المطعم بشكل عام اكله ممتاز واجواءه حلوة ، جميل لطلعة عائلية .
.
.
.
التقرير الاول :
المكان جدا رائع و جميل، هادئ و الاكل رائع خصوصا الداينامايت شريمب و الكاساديا النباتية و كيل التبولة، سعره مرتفع الصراحة لكن يستاهل
التقرير الثاني :
الاكل اعطيه تقييم 7من10 ولاكن الاسعار مره مبالغ فيها انصح كل شخص بيروح للمطعم يتأكد من الاسعار ترا السعر مبالغ فيه جداً اقل طبق ماينزل عن 50ريال حتى السلطات مره غاليه وكذالك يوم زرتهم اليوم المطعم اغلبه لبنانيين واجانب للاسف مدير المطعم يضحك معاهم ويحسب لعم الف حساب ونا بس طلبت فنجال قهوة المجانيه قالو لي لا مافيه الا فنجال واحد اتمنى مايكون فيه تفرقه بين الزباين يا حضرت المدير والتمنى النظر في الاسعار المبالغ فيها جداً زيارة لن تتكرر
التقرير الثالث :
الاكل لذييييذ ولكن المكان غير مريح صغير ومزحوم المطعم من افضل مطاعم الباستا في الخبر
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
