مطعم بيت التنور من المطاعم المتميزة اللي تقدم الاكل الصيني والهندي بتشكيلة كلاسيكية كبيرة وخيارات متنوعة ، فرع ارامكو يتميز انه يقدم الاكل الايطالي زيادة عليهم تحت مظلة مطعم اوليڤ جاردن (حدائق الزيتون) .
أفضل أطباق مطعم بيت التنور :
شوربة الذرة
شوربة صينية لذيذة فيها ذرة ودجاج وبيض ، شوربة حالية وانصح فيها مع اضافة الليمون والفلفل 👍🏼
.
.
.
ساموسا خضار
سمبوسة هندية بالخضار والبطاطس ، ٤ قطع حجمها كبير وتقدم مع خلطة الزبادي بالنعناع ، سمبوسة كلاسيكية عجينتها شوية ثقيلة ولكن الطعم مميز .
.
.
درم اوف هيفن
اجنحة دجاج متبلة بتتبيلة حمرا وتقدم مع تغميسة سبايسي مرررة لذيذة وحارة جداً ، من الاطباق اللي دايم اطلبها لذيذة وكميتها راهية .
.
.
.
تندوري دجاج
نص دجاجة متبلة تتبيلة التندوري مشوية وتقدم مع البطاطس وسلطة وتغميستين ، الدجاجة مشوية مضبوط وما فيها زفورة .
.
.
.
برياني ربيان
هذا الطبق خرافي ، من الذ البرياني اللي جربتها ، يقدم مع خلطة الرايتا (الزبادي) مررة لذيذ وانصح فيه 😍👍🏼
.
.
.
.
وطبعا السفرة ما تصلح بدون الكوكتيل السعودي (سعودي شامبين) .
التقرير الاول : مطعم رايق وهاديء جميل جدا … الإستقبال ممتاز وتعامل العاملين راقب جدا والأطباق متنوعة ولذيذة والأسعار متوسطة … مطعم يستحق الزيارة مرة أخرى ودعوة الأصدقاء والأحباب لتجربته .
التقرير الثاني :الحمص حلو
شوربة الدجاج والذره حلوه
مشكل هندي مشوي جيد
دجاج صلصه حلوه عاديه
دجاج مسالا لذيذ جدا 🤯
الكوكتيل سعودي لذيذ جدا جدا جدا 🤯🤯
التقرير الثالث : من المطاعم العريقه والمحافظه جدا ع جودتها وطعمها من اول مافتح الى يومنا هذا .. المقبلات الحمص والسبرينق رول و الشوربه تم يم خطيرين و الدجاج درامب اوف هاڤن شي من الاخر .. والسيشواني لحم وً الرز الصيني و البرياني .. و نودلز منغولي مشكل .. البتر شكين رايق .. النظافه والخدمه رايقه .. والاسعار بطله .. و المطعم من افضل مطاعم اللحم في الخبر
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
