مطعم بياز Bayaz restaurant من افضل المطاعم الايطالية في الدمام
مطعم بياز هو مطعم جديد في مجمع الظهران وهذا ثاني فرع له بعد فرعهم في الطايف ، المطعم يقدم ٤ مطابخ متنوعة وهي اللبناني والارميني والتركي والايطالي ، خياراته متنوعة وترضي جميع الاذواق .
.
مطعم بياز مطعم جديد في مجمع الظهران وهذا ثاني فرع له بعد فرعهم في الطايف ، المطعم يقدم ٤ مطابخ متنوعة وهي اللبناني والارميني والتركي والايطالي ، خياراته متنوعة وترضي جميع الاذواق .
.
من الطلبات الرئيسية اللي جربناها .
كباب بالكرز
طبق من اشهر اطباق المطبخ الارميني ، كمية الكرز وصوص الكرز ممتازة وكريمين فيها ، الطعم جداً ممتاز يميل للحموضة من الكرز ، ولكن الطبق عجبني ويعتبر خيار ممتاز .
السعر ٧٥ ريال .
.
.
باستا فوتشيني
طبق من المطبخ الايطالي ، هذا الطبق كان من الذ الاطباق اللي جربناها عندهم كانت مضبوطة مرة وماهي ثقيلة ، تقدم مع قطع الدجاج ، مسبكه مضبوط الخلطة ، انصح فيها وبقوة .
السعر ٦٥ ريال .
.
.
لحم بالعجين
العجينة ممتازة وكمية اللحم راهية ، الطعم متوسط يمكن ينقصها عصرة ليمون او شوية تبهيرة ، ولكن تعتبر خيار متوسط .
السعر ٣٥ ريال .
ماشاء الله مطعم لبناني رايق واكله لذيذ جدا 👌🏼 ميزة البارتشن للعوائل جميلة في ظل قلة المطاعم حاليا دون بارتشن 👍🏼 دجاج الفخار مرة لذيذة عرض الغداء جميل وموفر 👌🏼 اخذت عرض الغداء اللبناني والغداء الايطالي ودجاج الفخار الاكل كله جميل ولذيذ الأسعار جدا معقولة ولا انسى النادل محمد المصري خدوم ورهيب جدا 👌🏼 👏🏼 اتمنى الاستمرار على هذا النمط 🙏🏼
ابي اشوف سلبية وحدة في المطعم ما قدرت الأكل لذيييذ واللحوم طازجة وباين في الطعم الخدمة ممتازة وسريعة والأسعار جيدة ومن النقاط المهمة ان الاستقبال عندهم امرأة سعودية وفي الطلب تتعامل مع عرب وهنا أحب أشكر الأخ يوسف المغربي على خدمته السريعة والاحترام والبشاشة اللي عنده
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
