مطعم براسا دي برازيل من المطاعم الي موجودة بقائمة المطاعم الي بدي ازورها من اكثر من سنة بسبب سمعته الواسعة وتجربته الفريدة،
الخبر – جزيرة الدغيثر
966138814884+
هو مطعم متخصص في الأكلات البرازيلي مستوحى من طريقة التقديم البرازيلية التقليدية (التشواراسكاريا) وتعني بيت المشويات ، المطعم يقدم الاكل بنظام يشبه البوفيه المفتوح ولكن بتعديلات بسيطة ، المكان جميل وشرح ويفتح النفس ورائع لمحبين اللحوم .
عندهم بوفيه سلطات كبير جداً ومتنوع ولذيذ ويرضي جميع الاطراف ، عندهم سلطات خضراء وسلطات البطاطس والكينوا والشمندر وحتى السوشي عندهم في بار السلطات ، فعلاً راح يرضي جميع الزوار .
وغير بوفيه السلطات عندهم تشكيلة كبيرة من الاطباق الجانبية الساخنة والباردة مثل الكراب باليقطين والبطاطس والفطر وانواع من الرز ، ومن اطباق المقبلات عندهم نوعين من الشوربة وفي زيارتنا كانت الكريمة بالفطر ونوع ثاني ما ركزت فيه ، طبعاً كل هذي البوفيهات غير محدودة الكمية وتقدر تأخذ زيادة لو بغيت .
طبعا مع التنوع الكبير هذا ، نصيحتي لكم لا تكثرون منها ولكن خذوا لكم كمية قليلة لان الاطباق الحقيقية ما بعد تبدأ
مشويات مميزة .مقبلات لذيذة. لحم الغزال والضأن واستيك اللحم رائعين ..شيش طاووق مميز .شوربة السى فود لاتفوتكم طريقة تقديم جديدة و ملفتة خدمة جيدة و مقدمى الطعام ودودين
صراحة جربته مرتين رائع لكن عجبتنى اكتر المرة اللى رحنا فى الويك اند وقت الغداء لأنه التنوع كان اكثر فى المقبلات. الحلا عندهم ممتاز خاصة ام على وcheese cake. Entertainer تطبيق يعطيك تخفيض نصف السعر لكنه مدفوع لكن يستاهل بيعطيك تخفيض مرتين او ثلاثة.
لذيذ جداً، الغريب أن السعر كان 99.5 للشخص عند آخر زيارة اللحوم لذيذة لكن السمك والدجاج لم تعجبني، الحلويات والسلطات أيضاً لذيذة تجربة ممتعة
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
