كافيه لافينيو هو كافيه ومطعم ويعتبر من أفضل مقاهي الخبر .. المقهى فرنسي وهذا اول فرع لهم في المنطقة الشرقية واعتقد في السعودية. . يتميز بطابع المقاهي الفرنسية البسيطة .
.
المقهى فيه قسمين الاول للعوائل بدون أطفال والقسم الثاني للعوائل اللي معهم أطفال .. المنيو صغير جدا وما فيه تنوع كبير .
.
طلباتنا ..
سلطة سيزر .. 45 ريال
سلطة السيزر المعتادة وطعم الصوص اللي فيها حامض معطيها نطوعه مع قطع دجاج مشوية .. تعتبر جيدة ولكنها ما فيها شي مميز .. كميتها كبيرة وتصلح للمشاركة .
.
تكملة طلباتنا
روزيتو بولز .. 45 ريال
كرات الروزيتو المقلية والمحشية بالجبن وتقدم مع صلصة الطماط .. طلب جباااااااااار اتعب وانا اقول لذيذ الصلصة الحمرا اللي معه شي عجيب من الذ الاطباق اللي اكلتها .. انصح بالطبق وبقوة .
كريسبي فرايد تشكن .. 50 ريال
قطعة صدر دجاج كريسبي مقلية تقدم بخبزة البطاطس مع سلطة الكول سلو (الملفوف) .. طعم الدجاج مع السلطة لذيذ جدا ولكن ينقص الساندوتش اضافة صوص يعطيها طراوة .. الخبزة طرية جدا وتذوب .. حجم الساندوتش صغير مقارنة بالسعر .. يقدم مع البطاطس العريضة وسلطة خس جانبية
.
التقرير الاول :
تمت زيارته جدا رايق والاكل والقهوة لذيذة والاستقبال يفتح النفس فيه أخت هناك عند الاستقبال بشوشة شكرا لكم 🌹👍
التقرير الثاني :
مطعم رائع بكل ماتعنيه الكلمة قمة الروقان والاسترخاء يمتع العين بجمال التصميم والديكور والاضاءات والاروع من هذا انه يطل على البحر وفيه نوعين من الجلسات اذا تحب تشاهد البحر من فوق أوتنزل تحت قريب من البحر اذا تحب تسمع صوت امواج البحر . المنظر ماشاء الله ماينمل منه خاصة اني جيت وقت اكتمال القمر فاكتملت روعة المشهد انا افضل وقت الليل احسه اروع مع الانوار وانعكاسها على البحر اما الاكل جميل لكن مشكلتهم اسعارهم مرتفعة جداً لاتناسب الأغلبية وأيضاً توجد حشرات في بعض الاحيان اذا ارتفعت رطوبة الجو
التقرير الثالث :
من اجمل مطاعم الشرقية والاطلالة على البحر 😍♥️
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
