الأسم : مطعم بيسترو
مطعم بيسترو غني عن التعريف ، من المطاعم المخضرمة في الخبر ، دائماً متجددين وعندهم اصناف جديدة .
المطعم مسوين جلسات خارجية جميلة ورايقة والاضاءة فيها حلوة والشارع هادي .
كانت لي تجربة فيه وجلست في جلساتهم الخارجية ، كانت تجربة مميزة جداً من الاجواء والجو والاكل .
شوربة الفطر الطازج برغوة الكابتشينو طريقة مميزة في التقديم بدون إضافات ، الطعم لذيذ .
سلطة تجمع كل شي لذيذ ، فيها شمندر وتين وجبنة الماعز والورقيات ، مرة لذيذة ومميزة 👍🏼
ماكي ياباني مقلي ومقرمش ، طريقة مميزة ما شفتها بمكان ثاني وكانت مرة لذيذة وما فيها اي زفورة ، انصح فيها لمحبين الماكي .
قالب من الكبة محشي شاورما دجاج وتبولة ، شغل روعة تاكلونها بالشوكة والسكين ، تكسرون الكبة مع الشاورما شي من الاخر ، ويقدمون مثلها بوقت الفطور بس فلافل بدل الكبة 😍
اصابع حلومي مقلية ومقرمشة .
شاورما لحم بخبز الصاج مغطى بالطماط والورقيات مع الطحينة ، طبق رائع بكل المقاييس .
غوزي اللحم يقدم في كرة الخبز ، طبق جبار غني بالنكهة والبهارات ، يقدم مع ثلاث انواع صوصات ، طبق يفوز 😍
بيني باستا بالصلصة الوردية والجبن ، تقدم بطريقة مميزة داخل كورة من العجين مقلية ويضاف لها الصوص الاضافي مع التقديم
الحلى:
حلى عجييييب ، عجينة الكرونت اللي تكون بين الكوروسان والدونات محشية ايسكريم فانيلا ويصبون عليها الكراميل ، جميلة ومنعشة .
التقرير الأول : تعامل طيب من مديرهم داني و تعامل ممتاز من المستضيف بيتير ، الاكل جيد و الجو هادئ و الخدمه ممتازة. الايجابيه موجوده في المطعم ككل ، يعتبر من افضل مطاعم الخبر و له زبائن دائمين. تعتبر زيارتي الثانيه لهم و اقدر لهم ضيافتهم.الاسعار جيده نوعا ما. اتمنى لهم التوفيق
التقرير الثاني: المطعم دورين وفيه جلسات خارجيه وللجميع بالنسبه للأكل عندهم اطباق لذيذه وعندهم اطباق عليها ملاحظات بالنسبه لبرقر بالتوست ايمه تاور برقر للامانه قوووي ولذيذ لمحبي البرقر انصحكم بتجربته ممكن سعره مرتفع لكن يستاهل ويصلح للمشاركه وعندهم الدولمه حلوه وبالنسبه للحلى اللوتس عندهم جميل الاسعار من متوسطه لمرتفعه
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
