مطعم اوليو هو 
مطعم ايطالي يتميز بجلسات ومكان فخم ومريح ، بالاضافة لتقديمه لاطباق مميزة واكل لذيذ ،
المطعم فيه جلسات خارجية بالاضافة الى جلسات داخلية دورين والشمس تدخل المطعم من كل مكان ،
كانت لي تجربه فيه وجربت الاطباق اللي راح اذكرها .
في البداية يقدمون لكم طبق ضيافة عبارة عن سلة الخبز المشكلة مع الزيتون المهروس والطماطم بزيت الزيتون .
.
.
بان الا اجيليو ،،،،،،، ٣٥ ريال
طبق مقبلات من الخبز الفرنسي يقدم عليه خلطة الطماطم والزيتون والجبن ، الطبق لذيذ وانصحكم تجربونه مع خل البلسميك .
.
.
ارانشيني ،،،،،، ٤٥ ريال
ثلاث كرات روزيتو محشي بالجبن وخلطة السبانخ يقدم على طبقة من صلصة المارينارا اللذيذة ، الطبق موزون والجبنه ذايبة .
.
.
.
سيجنتشر باستا ،،،،،، ١٠٥ ريال
طبق باستا ريقاتوني بالصوص الوردي مع الجبن والباذنجان ، الطبق جداً لذيذ ولكن مالح بسبب الجبن ، انصح بهذا الطبق يكون مشاركة لان الطبق كبير جداً يكفي من ٣ الى ٤ اشخاص لو طلبتوه مع مقبلات او بيتزا او اطباق ثانية .
.
.
بطاطس مقلية ،،،،، ٢٠ ريال .
.
.
يمكنك طلب قائمة الطعام من صفحة المطعم على انستجرام من هنا
التقرير الاول : مااتذكر بالضبط أسامي الأطباق بس اجمالاً طلبنا شوربة دجاج بالكريمة وكانت لذيذة بس خفيفة جداً ،
وسباغيتي لافونغ أعتقد بالكريمة البيضاء والمشروم والدجاج مو واو بس لذيذة بس بالنسبة لسعرها مبالغ فيها بس الكمية لشخصين كويسة ،
وطلبنا بولو دجاج جددداً شبيه بالكوردن بلو بالسبانخ والديك الرومي والكريمة
مع بطاطس مهروسة وخضار مطبوخة على البخار الخضار والبطاطس يحتاجو ملح وفلفل أسود لأنهم بدون طعم والدجاج لذيذ
مكتوب برضو لشخصين بس لازم جنبه طلب مكرونة أو رز لأنه لوحده ثقيل وماتستطعم فيه.
جو وديكور المطعم ممتاز ، الخدمة لا بأس بها ، دورات المياه لابأس بها لكن السقف يحتاج صيانة لأنه مكسور ومفتوح ،
الأكل لذيذ لكن مقارنة بالسعر مبالغ فيه. لاأتوقع أن أكرر الزيارة في ظل وجود خيارات كثيرة أخرى بنفس المستوى وسعر أقل.
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
