مطعم المشوى العنابي هو مطعم متخصص في المشاوي وخصوصا اللحوم .. ويتميز المطعم بأسعاره الممتازة والمنافسة لأغلب مطاعم المشاوي .. اغلب اسعار الاطباق في العشرينات .. نوعية اللحم اللي يستخدمها ممتازة وترفه وطرية وتذوب في الفم .
اليوم جاتنا دعوة كريمة من اصحاب المطعم لتجربة الاطباق ربي يكثر خيرهم ويغنيهم ويوسع رزقهم .. الاكل كان ممتاز والخدمة رائعة والاسعار منافسه
.
.
طلباتنا ..
المقبلات ..
حمص ومتبل وبابا غنوج وتبولة .. المقبلات عندهم لذيذة ومستواها ممتاز مقارنة بالمطاعم الثانية وخصوصا المتبل والبابا غنوج مميزين عندهم وطعمهم يجيب العافية
التقييم ..
الحمص .. 8/10
المتبل .. 10/10
البابا غنوج .. 10/10
التبولة .. 7/10 .. ناقصها حموضة شوي
.
.
تكلمة طلباتنا ..
اوصال لحم ..
طبق يجب ان يدرس لجميع مطاعم المشاوي طبق من عالم آخر شي رهيب خرافي من الذ الأطباق اللي اكلناها .. اللحم ترف ويذوب بالفم وطري وطعمه لذيذ جدا
التقييم 10/10
.
.
كباب خشخاش ..
كباب لحم طري ويقدم على طبق من الطماط المشوي الذايب .. اللحم فيه بهارات سبايسي ونكهته مميزة واقترحنا عليهم ينزلون نفس الطبق بدون السبايسي للي ما يحبون السبايسي
التقييم .. 8.5/10
.
.
تكملة طلباتنا ..
عرايس لحم ..
عرايس لحم مشويه لذيذة وما فيها زفورة اللحم المفروم ومع عصرة ليمون تعيشك في عالم ثاني
التقييم .. 9/10
.
.
كباب بالباذنجان ..
قطع من كباب اللحم مع حلقات من الباذنجان المشوية وعليها خلطة الطحينة اللي معطتها لمسه مميزة ولذه ممتازة
التقييم .. 10/10 وز المطعم من افضل مطاعم الغداء في الخبر
.
.
التقرير الاول :
مطعم مميز وجميل وطيب .. ومن أجمل مافي المطعم موظف الاستقبال السعودي الرائع .. يفتح نفسك وكلامه عسل. شكرا وبالتوفيق
التقرير الثاني :
ممتاز مقارنة بفرع الأحساء صراحة فرق كبييير في طعم الأكل اكثر شي احبه العرايس عندهم الكباب لذيذ التبولة والحمص متوسطة المستوى تحتاج تعديلات مطعم شامي المفروض مميز بالمقبلات أتمنى يفتح فرع للعوائل
التقرير الثالث :
كأول زيارة يعتبر مطعم جيد كنظافة وخدمة ولكن كثرة النُدُل وتجولهم في مطعم بهذه المساحة يعتبر غير جيد للزبائن؛ أما بالنسبة للطعام فلا بأس به ولكن هناك الأفضل؛ المقبلات عادية والمشاوي جزء منها لم تكن بمستوى جيد.
جميع الحقوق محفوظة لموقع مطاعم و كافيهات الشرقية © 2024 - Privacy Policy - اعلن معنا
